Ийд байрами
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

 

«Ийд» сўзи  «қайтиш» маъносини билдиради. Байрамлар қайта-қайта келгани учун «ийд» деб номланган. Энг муҳими, ийд кунлари Аллоҳ таолонинг кўплаб хайру баракаси мўмин-мусулмонларга қайта-қайта келади.

«Ийди Фитр» Рамазон рўзасининг тамом бўлгани муносабати ила хурсандчилик ва шукрни изҳор қилиш учун шариатга киритилган байрамдир.

Анас розияллоҳу анҳудан ривоят қилинади: «Пайғамбар соллаллоҳу алайҳи васаллам Мадинага келганларида улар икки кунда ўйнашар эдилар. «Бу иккови кун, қандоқ кун?»– деб сўрадилар. «Жоҳилиятда ўйнайдиган кунимиз эди», – дедилар. Шунда Расулуллоҳ соллаллоҳу алайҳи васаллам: «Албатта, Аллоҳ сизларга у иккисининг ўрнига улардан кўра яхши ал-Азҳо куни ва Фитр кунини берди», – дедилар. «Сунан» эгалари ривоят қилган.

Фитр куни таом ейиш, мисвок ва ғусл қилиш, ҳушбўй суртиш ва энг яхши кийимларни кийиш ва садақаи фитрни бериш мандубдир. Икки ийд кечаларини ибодат ила ўтказиш, аҳлига кенгчилик ва серобчиликка шароит яратиш. Нафл садақаларни имконига қараб, одатдагидан кўпроқ қилиш. Кўринган ҳар бир мусулмонга хурсандчилик ва шодлик изҳор қилиш. Яқин кишиларни, ёру дўст ва асҳобларни зиёрат қилиш яхшидир.

Ибн Аббос розияллоҳу анҳудан ривоят қилинади: «Расулуллоҳ соллаллоҳу алайҳи васаллам фитр закотини рўзадор учун беҳуда гап-сўз ва ҳаракатлардан покланиш ва мискинлар учун таомланиш бўлсин, деб фарз қилдилар. Ким уни намоздан олдин адо қилса, у мақбул закот бўлур. Ким уни намоздан кейин адо қилса, садақалардан бир садақа бўлур». Абу Довуд, Насаий ва Аҳмад ривоят қилишган.

Расулуллоҳ солаллоҳу алайҳи васаллам: «Ким фитр кечасини ва ал-Азҳо кечасини савоб умидида бедор ўтказса, қалблар ўладиган кунда унинг қалби ўлмас», – дедилар». Имом Тобароний Убола ибн Сомитдан ривоят қилган.

 

Назокат тайёрлади.

Мавзуга оид мақолалар
Бир  кичик бола Париж масжидларидан бирига кириб имомга деди «Онам мени сизларнинг ўқишингизда ўқиш учун давоми...

19:43 / 17.02.2017 5651
Саломатлик дарсларини сиз, азизларга сайтимиз орқали бериб боришни маъкул кўрдик. Агар сиз давомли равишда давоми...

18:32 / 25.12.2016 8005
Мендан quotДунёдаги энг бахтиёр киши кимquot деб сўрасалар, quotТурмуш ўртоғини тўғри танлаганларquot, дейман.Чунки давоми...

21:26 / 14.05.2023 1865
Марҳум отам ўзлари яхши кўрган ҳар бир нарсани менга ҳам бўлиб берардилар. Албатта бу барча оталар қиладиган давоми...

01:14 / 07.05.2023 2063