«Душманлари билан битим тузганлар устидан саййидимиз Расулуллоҳга шикоят»
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

[embed]https://www.youtube.com/watch?v=c1sdt_T03YU&feature=youtu.be[/embed]

 

ДУШМАНЛАРИ БИЛАН БИТИМ ТУЗГАНЛАР УСТИДАН САЙЙИДИМИЗ РАСУЛУЛЛОҲГА ШИКОЯТ

Менинг Сенга замонларни тешиб ўтиб Расулуллоҳ (соллаллоҳу алайҳи васаллам)нинг икки қулоқларига бориб етувчи ҳайқириқлар билан  юзланишимгина қолди, холос. Мен Унга ҳалқумимдан чиқадиган овоз билан  эмас, балки қалбимнинг туб-тубларидан чиқувчи инграган аламли ҳайқириқлар билан юзланаман. Мен бу сўзларни ўзим ва сизларнинг номингиздан айтаман. Эй менинг хожам Расулуллоҳ! Сизнинг чақириғингизга ижобат қилган умматларингиз орасида дин ишларини идора қилаётган одамлар ҳамда мусулмонлар масалаларини бошқараётган кишилар сизга юзланганларидан кейин яна юз ўгириб кетдилар. Сиз билан битим тузганларидан сўнг қўлларини сиздан тортиб олдилар. Улар сиздан юз ўгирганларидан кейин сизнинг душманларингизга юзландилар. Улар сизни ўлдириш учун режа тузган ғанимларингизнинг набираларига боғландилар. Улар сизни ўлдириш учун таомингизни заҳарлаган ва сизга тақдим этган анави душманларингизнинг болаларига дўстлик битими билан юзландилар. Бу ишларни кўзим билан кўриб, қалбим аламдан азоб чекмоқда, эй Аллоҳнинг Расули! Бўлаётган мазкур ишлар менинг ақлимга сиғмайди. Бу ишларни Ислом лаззатини тотган мусулмон кишилар, шубҳа йўқки, иймон лаззатини тотган мўминлар ва сизни бизлар таниганимиздек таниган одамлар қилмоқдалар. Уларнинг ҳолига нима бўлди, эй Аллоҳнинг Расули?! Улар сизнинг ҳидоятингиздан юз ўгириб, дўстлашиш, бўйсуниш ва хизмат қилиш билан Аллоҳ душманларининг набираларига ва сизнинг душманларингиз набираларига юзланмоқдалар. Эй саййидим Расулуллоҳ, мен сизга улар устидан шикоят қилмоқдаман, уларнинг шу ишларидан шикоят қиламан. Мен сиздан уларнинг ҳаққига дуои бад қилишингизни истамайман. Сиз лаънатловчи ва нафрат қилувчи бўлиб келмагансиз. Лекин мен сиздан уларга чиройли дуо қилишингизни сўрайман. Эй саййидим, эй Аллоҳнинг Расули! Аллоҳга дуо қилинг. Мен ҳозир дўстларимга эслатган нарсадан шуни биламанки, албатта, Аллоҳ таоло бизларнинг нима қилаётганимизни ва нима деяётганимизни сизга етказади. Аллоҳ азза ва жалладан уларни ҳидоят қилишини, тўғри йўлга қайтаришини ўтиниб сўранг. Ўзларига келиб, қўлларини душманларингиздан ва динингиз душманларидан тортишларини тиланг. Қалблари, кейин қўллари фақат сизга юзланишини ҳамда фурсат кетиб қолишидан олдин битимларини янгилаб олишларини ёлвориб сўранг, эй Аллоҳнинг Расули.

Имом Бутийнинг ушбу суҳбатларидан

Абдуллоҳ Ғуломов таржимаси

20.12.2017

Мавзуга оид мақолалар
     Икки амалиёт бор. Биз уларни Аллоҳнинг Китобида ўқиймиз. Уларнинг бирига Аллоҳ Ўзининг олий Зотини масъул қилган. Иккинчисини эса биринчисига муқобил давоми...

00:00 / 23.02.2017 4525
ЮНЕСКО халқаро уюшмаси Исломни «энг тинчликсевар дин» деб расмий равишда эълон қилди. БМТООНнинг болалар фонди Халқаро фонд билан биргаликда барча динларни давоми...

23:22 / 10.03.2017 2739
Яқинда Ислом феминизмга қарши деган гапни эшитиб қолдим. Ўзим бу фикрга мутлақо қўшилмайман. Аввал бошданоқ Ислом аёллар ҳолатини тубдан ислоҳ қилган. давоми...

11:00 / 23.09.2019 2358