Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Масаллиқлар: Хамири учун: ун 4 пиёла, маргарин 250 г, 1 пиёла сметана ёки қаймоқ, 2 та тухум, хамиртуруш, туз, шакар. Қийма учун: 1 кг ёғлиқ гўшт, 5-6 та пиёз, 2 дона картошка, туз ва зираворлар.

Тайёрланиши: хамирни 2 соат ошганидан сўнг оламиз ва ўртача зувалачаларга бўлиб чиқамиз. Бироз тиндиргандан сўнг қиймаларни солиб, тугамиз. Тайёр сомсаларни печнинг товасига териб, газда ўрта оловда қизаргунича пиширамиз. Ёқимли иштаҳа!