Лондонда мусулмон жуфтлик тўй куни уйи йўқ мискинларга таом улашди
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Тўй инсон ҳаётининг энг муҳим воқеаларидан биридир. Анна Бегум ва Закарийё Хон ўзлари учун унутилмас бўлган бу кунда олий инсонийлик қадриятларини намоён қилишди.

Тўй режаларининг бир қисми сифатида бу жуфтлик уйсиз мискинларга ҳам қувонч бағишлашга аҳд қилди. Дўстлари, оила аъзолари ва меҳмонлар учун тайёрланган таомдан маҳаллий муҳтож аҳолига ҳам улуш ажратишди. Эътиборли жиҳати шундаки, бу тўйдан ортиб қолиб, тарқатиб юборилган таом эмасди, балки азиз меҳмонлар учун тайёрлангани каби таомлар махсус қутиларга жойланиб, ҳақдорларга етказилди.

«Бизнинг иймонимиз ўзимиздаги неъматни муҳтож инсонлар билан бўлишишни тақозо қилади. Бундай имконга эга бўлиш биз учун Аллоҳнинг раҳматидир. Албатта, биз бундан кўпроғини ҳам қилишни истаган бўлардик», дейишди Анна ва Закарийё.

Биз бугун бошқа кўплаб нарсалар қатори таомнинг исрофи ҳам кўпайган, эртакнамо тўй тантанаси учун инсонлар улкан молиявий сарфларга тайёр бўлган, шон-шуҳрат («хўжакўрсин»)га интилиш авжига чиққан истеъмолчи дунёда яшаяпмиз. Анна ва Закарийёнинг тўйлари ҳақиқатдан ҳам ўзига хос истисно бўлди, десак, янглишмаймиз. Бу воқеа бошқа кўплаб инсонларни ҳушёрликка чақириб, камтарлик ва шукр келтирувчи бўлишларида ибрат бўлади, деб умид қиламиз.

Мавзуга оид мақолалар
Пайғамбар оиласи Мадинаи мунаввара ва Пайғамбар оиласи Масжиди Набавиййага ёндош қурилган Пайғамбар алайҳиссаломнинг уйлари шодликка тўлганди. Ҳазрат давоми...

00:12 / 11.12.2016 2042
Бу дунёда бизларни нозик ҳилқат соҳибалари сифатида халқ қилиб Ўзининг ҳабиби бўлган Муҳаммад мустафо соллаллоҳу алайҳи васалламга уммат қилиб яратган Аллоҳ давоми...

23:33 / 25.02.2017 1539
Келинлар Совчиликка боришдан олдин биз обдон суриштириб, минг чиғириқдан ўтказган, етти маҳалладан суриштириб, охири «яроқли» деб топилгач, дабдабали тўю томоша давоми...

05:32 / 22.01.2017 3717