Рамазонда яна бир саховат
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

260 км масофага югуришни режалаштирган мусулмон Ҳорун Мота:

“Мен ҳар куни ифторликдан олдин тахминан 10 км масофани югуриб босиб ўтаман...”, дея сўзини бошлади.

“Кўпчилик учун узоқ масофага югуриш имконсиздек туюлади. Рамазон рўзасини тутаётганлар учун бу икки ҳисса мушкул машқ. Ҳорун Мота мазкур муқаддас ойда Penny Appeal хайрия ташкилотининг Emergency Response дастури томонидан белгиланган маблағни эҳсон қилиш мақсадида, 260 км масофани югуриб босиб ўтишга киришди. Aгар у 25 000 долларни қўлга киритса, бу пул тўғридан тўғри вирус билан касалланган беморларга етказилади”, деб хабар беради Asian Image.

Ҳорун аслида дунё бўйича 4 та марафонни 5 ҳафта ичида югурмоқчи бўлади. Берлин марафони тугагач, режасини кейинга суради. Мазкур мусобақани бажариш учун эса кунига 8.7 км югуришига тўғри келади.

 “Нега айнан Рамазонда дейсизми? Чунки ҳар куни 16 соат рўза оғиз бўламан. Югураётганимда жуда чанқайман, хаёлимдан миллионлаб тоза сув ичишга муштоқ одамларни ўтказаман. Уйини тарк етишга мажбур бўлган қанчадан қанча одамларнинг аҳволини ҳис қилиб югураман. Мана шу менга янада кўпроқ куч беради”, дейди Ҳорун.

Тез орада Ҳорун Мотанинг “Жастгивинг” саҳифаларида пул миқдори 19.023  фунт стерлингга кўтарилди ва қуйидагилар чоп этилди:

“Эҳсон маблағи табиий офатлар ва бошқа муаммолар таъсирида зарар кўрганларга етказилади. Уруш, очарчилик, қашшоқлик ва иқлим ўзгаришлари рохинжа ва уйғур қочоқларини ҳаракатсизлантирди, Идай бўронидан кейин одамлар Яман, Сурия, Газа, Мозамбик ва Малавига жойлаштирилди.

Penny Appeal хайрия ташкилоти ўз сайти саҳифаларида: “Муҳтожлар, заифҳол инсонлар ҳаётини сақлаб қолиш учун дори-дармон, озиқ-овқат ва бошпана билан таъминлашимиз зарур. Бу борада сизнинг қўллаб-қувватлашингизга муҳтожмиз.

 Aллоҳ таоло Қуръони каримда шундай марҳамат қилади: «Ким бир жонни ноҳақ ёки ер юзида фасод қилмаса ҳам ўлдирса, гўё барча одамларни ўлдиргандек бўлади. Ким уни тирилтирса, гўё барча одамларни тирилтиргандек бўлади...» (Моида сураси, 32-оят), деган”.

Бу оятда “тирилтирса” дегани “ўлимдан сақлаб қолса” деган маънони билдиради.

Манба: aboutislam.net

Ирода Исмоилова таржимаси

 

Мавзуга оид мақолалар
Бугун, 3 март куни Самарқанд шаҳрида Имом Абу Мансур Мотуридий ва мотуридия таълимоти ўтмиш ва бугунrdquo мавзусидаги халқаро анжуман ўз ишини бошлади. Дин ишлари давоми...

19:47 / 03 март 643
Индонезиялик журналист Марфуаҳ Панжи Астути хонимнинг юртимиз, хусусан, Самарқанд ҳақидаги Journey to Samarkandrdquo Самарқандга саёҳатrdquo номли китоби Индонезияда ўн давоми...

21:00 / 20 январь 499
Холида бегим кашмирлик бўлиб, у ҳозирда 87 ёшда. Аёл бутун умри давомида ҳаж қилиш умидида тўплаган жамғармасини 500 000 рупий 6 531 долларни эҳсон қилди. У бу маблағни давоми...

11:02 / 21 апрель 419
29 октябрь 2018 йил санасида Жўйбори Калон аёлқизлар Ислом билим юртида «Октябрь фиқҳ фани ойлиги» муносабати билан илм мажлиси бўлиб ўтди. Мазкур тадбирнинг давоми...

02:02 / 01.11.2018 841