Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Холида бегим кашмирлик бўлиб, у ҳозирда 87 ёшда. Аёл бутун умри давомида ҳаж қилиш умидида тўплаган жамғармасини ‒ 500 000 рупий (6 531 доллар)ни эҳсон қилди. У бу маблағни йиллар давомида тинимсиз меҳнат қилиб топган ва айнан бу йил ҳажга бориш учун йиққан эди. Аммо тожсимон вирус пандемияси бунга тўсқинлик қилди.
Холида бегим ўз юртида бўлаётган воқеа-ҳодисаларга бефарқ бўлолмади. У ўзининг йиққан жамғармасини ҳаммасини тожсимон вирус билан касалланган ва бу вирус туфайли ўз даромадидан маҳрум бўлган юртдошларига хайр-эҳсон қилишга қарор қилди, деб хабар беради “Islam News” “Indiatoday” сайт маълумотларига таяниб.
“Таниқли Холида Бегим, коронавирус пандемияси даврида юртдошларининг оғир кунларида маҳаллий ташкилотнинг Жамму ва Кашмирдаги хайрли ишларидан таъсирланиб, ўзининг 500 000 рупий жамғармасини хайрия қилишга қарор қилди”, дея тасдиқлайди Арун Ананд ташкилотининг вакили.
Бибиражаб тайёрлади.
