Испаниялик муслима илк китобини нашр этди
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.


Испаниялик Аманда Фигерас учун бу йилги Рамазон биринчиси эмас. У шаҳодат калимасини келтирганига бир неча йил бўлган. Шундай бўлса-да, биринчи Рамазоннинг хотиралари ҳанузгача ёдидан чиқмайди. Аманда  Исломни қабул қилганида яқинлари унга қаршилик қилган. Бу қаршилик Рамазонда рўза тутганида жуда билинган, у жуда кўп  қийинчиликка учраган. Шу боис ҳам у ифтор учун  масжидга борар, у ерда оғиз очиб, таровеҳ ўқир эди.

Аманданинг касби журналист, одамлар уни “янги мусулмон” дейишларини ёқтирмайди. У: “Мен бир динни иккинчисига алмаштирганим йўқ. Ҳеч бир илоҳга иймон келтирмаган эдим, ҳеч бир динни танламаган эдим. Бу менинг шахсий уйғонишимни янада қизиқарли қилади, чунки кутилмаганда Аллоҳ борлигини ва Ислом ҳаётда излаганим эканлигини англаб етдим”, дейди.

Аманда Ислом дини ҳақида биринчи марта иш фаолияти давомида ўрганди. У мусулмонлар ҳақида мақолалар ёза бошлади, улар динига жуда қизиқди. Муслиманинг сўзларига кўра, у  Пайғамбаримиз Муҳаммад соллаллоҳу алайҳи васалламнинг сиймосига ошиқ бўлган, у зотнинг шахсияти ва хулқ-атворини ўрганган. Мана шу ошиқлик, сийрат ва суннатни ўрганишлик уни Ислом динини танлашига сабаб бўлған.

У яна ўз хотираларида: “Энг оддий нарсалар мени кўзларимни Исломга очди”, деб ёзади.

Аманданинг яқинлари унинг Исломни қабул қилиш қарорига тўсқинлик қилиши Испанияда табиий ҳолат саналарди. Ота-онаси унинг бу қарорини маъқуллашмади. Аммо мисрлик турмуш ўртоғи уни доим қўллаб-қувватлади. Унинг бу никоҳдан  бир ўғли ҳам бор.

Бу йил Аманда Фигерас “Менинг ҳаётим европалик хоним ва муслима аёл каби” деб номланган автобиографик китобини ёзди ва нашр этди.

Манба: islamsemya.com

Бибиражаб тайёрлади

Мавзуга оид мақолалар
Малайзиядаги мода уйларидан бири бўлган Bawal Exclusive Swarovski кристаллар билан безатилган ғайриоддий рўмолни кўргазма қилди.Рўмол минглаб майда ялтироқ Swarovski давоми...

12:28 / 23.08.2020 1154
Ассалому алайкум, ҳурматли опасингиллар Диққат, танловBintuSodiq канали ҳар йилги анъанага мувофиқ, бу йил ҳам Рамазон танловини эълон қилади.Фарзандининг ижодий давоми...

16:06 / 20.04.2020 1133
Муслима опасингилларимизни янги кўптармоқли .MUSLIMAAT, дўконига таклиф этамиз.Каттаю кичикка бирдек зарур, исталган дидга мос, мавсумий, қулай, бежирим, оммабоп давоми...

12:11 / 27.01.2020 1849
Бугунги кунда жаҳоннинг 43 мамлакатида яшовчи 700 миллионга яқин киши сув етишмовчилигидан азият чекади. 2,7 миллиард одам эса ҳар йили камида бир ой мобайнида сув давоми...

15:06 / 07.08.2020 1028