Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Англиянинг Манчестер шаҳрида жойлашган мусулмон қизлар учун мўлжалланган, диний ва дунёвий таълим берувчи Manchester Islamic High school for girls лицейининг ўқувчилари ва ўқитувчилари карантинда беморларга масофадан ажойиб тарзда табассум улашмоқда. Бу ҳақида Manchester Islamic High school for girls раҳбарияти ўзининг расмий Facebook саҳифасида маълум қилди.

"Бизнинг талабалар ва ҳамкасблар онкологик касалликдан даволанаётган беморларга табассум улашиш мақсадида уларга ўз қўллари билан тайёрланган, илиқ сўзлар ёзилган хатлар ва откриткалар юборишди. Бунга жавобан бемор ва шифокорлардан ҳам ташаккурномалар келди. Шундай оғир вақтда бошқаларни ўйлаб, уларга табассум улашган барчага раҳмат!" дейилади хабарда.