Уй интерьерининг ранглари кайфиятга қандай таъсир қилади?
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

  1. Қизил

Нерв тизимини  ҳаяжонлантиради, асабийлаштиради. Организмнинг барча тизимлари ишини, юрак уриши, нафас олишни  тезлаштиради ва  чарчатади. Бу ранг – меҳмонхона ёки иш кабинетларига мос. Баъзида ётоқхоналарга ҳам қўллашади.

  1. Олов ранг

Фаолликни оширади, уйга шинамлик ва илиқлик руҳини беради. Бу ранг – меҳмонхона, ошхоналарга тўғри келади.  Тезроқ уйғонмоқчи бўлганлар учун эса ҳаммомга ишлатса ҳам бўлади.

  1. Кўк

Ишга бўлган лаёқатни сусайтиради. Хонага тинчлик ва уйғунлик кайфиятини беради. Бу ранг – ётоқхона, ҳаммомга ҳамда ўғил болалар ётоғига мос келади.

  1. Сариқ

Одамнинг кўриш рецепторларига яхши таъсир қилади. Диққатни жалб қилади ва жамлайди. Қувватни оширади. Бу ранг – иш кабинети, ошхона, даҳлиз ва меҳмонхоналарга тўғри келади.

  1. Яшил

Тарангликни сусайтиради, оғриқни камайтиради. Хонани «очади». Бу рангнинг  ёрқин туслари ошхонага мос келади. Тўқроқ туслари,  масалан, зайтун ранги – ётоқхоналарга, оч феруза ранглари эса мактаб ёшидаги болалар хонасига мос келади.  

  1. Пушти ранг

Пушти – нафислик, уйғунлик ранги бўлиб,  оптимистик руҳиятга чорлайди. Бу рангнинг бўғиқ туслари қизлар хонасига, меҳмонхонага эса ёрқинроқ туслари тўғри келади.

  1. Бинафша ранг

Бинафша ранг ўзига хос бўлиб, асаб тизими учун қабул килиниши қийин бўлган ранглар турига киради. Яшил ранг билан уйғунлашганда, оптимистик руҳиятга чорлайди ва фаолликни оширади. Бу рангнинг бўғиқ туслари қизлар хонасига, ёрқин туслари эса  даҳлизларга мос келади.  

  1. Қора

Уй эгасининг нозик таъб ва дидини кўрсатади. Бу ранг  бошқа ранглар билан уйғунликда  меҳмонхона, даҳлиз ва иш кабинетларига мос келади. Оч, илиқ ранглар билан уйғунликда эса ошхонага ўзига хос кўрк бағишлайди.

  1. Оқ

Яхши кайфиятни уйғотиб, фаолликни оширади. Поклик ва енгиллик рангидир. Бу ранг бошқалар билан уйғунликда ҳамма хоналарга тўғри келади. Оқ рангдаги хона ўзига нисбатан кенгроқ  кўринади.

 Рус тилидан Гўзал таржимаси

Мавзуга оид мақолалар
УЧИНЧИ ФАСЛ Биринчи Дўстлик сўрови юбориш Эй мусулмон биродарим, билгинки, Фейсбукдаги дўстлик мусулмонлар ўртасида Аллоҳ йўлидаги биродарлик суннатини давоми...

10:00 / 21.11.2019 578
Анас ибн Молик розияллоҳу анҳудан ривоят қилинади «Расулуллоҳ соллаллоҳу алайҳи васаллам биз билан аралашиб юрар эдилар. Ҳатто бир куни укамга «Я Абу Умайр, Маа давоми...

02:08 / 12.10.2016 958
Тиллонинг нисоби йигирма мисқол, кумушники икки юз дирҳам. Дирҳамларнинг ҳар ўнтаси етти мисқол. Ишланган бўлсин, ёмби бўлсин, ўндан биридан тўртдан бирини бериш давоми...

11:03 / 07.03.2017 1692
Еттинчи март куни Бирлашган Араб Амирликларида Dubai Modest Fashion Week Дубай Ёпиқ мусулмонча мода ҳафталиги учун дунёнинг беш қитъасидан 26 дан зиёд мамлакатдан давоми...

02:47 / 11.03.2019 401