Ухдуд эгалари қиссаси (9)
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

 Мўъжиза, каромат ва сеҳр

Йигит кўр, пес ва бошқа дардларни худди Исо алайҳиссаломдек даволайдиган бўлибди. Хўш, йигит ҳам худди Исо ибн Марямдек пайғамбармиди? Йўқ, асло.

Фарқи шундаки, Аллоҳ таоло йигитга каромат, яъни мўъжизанинг кичикроқ кўринишини ато қилган эди. Яъни каромат – пайғамбарлар мўъжизасининг кичикроқ кўринишидир. Каромат дегани «икром, эҳтиром» кўрсатиш маъносидан олинган.

 Йигитнинг ҳалоллиги, поклиги, ибодатда собитқадамлиги, қалбида Аллоҳнинг муҳаббатидан бошқа муҳаббат йўқлигидан Аллоҳ субҳанаҳу ва таоло унга Исо алайҳиссалломга берган мўъжиза каби кўр, пес ва бошқа дардларни даволаш қобилиятини икром тариқасида тақдим этди. Ийсо алайҳиссалом мўъжизасининг йигит кароматидан афзаллиги шунда эдики, у Зот Пайғамбар  сифатида Аллоҳнинг изни билан ўликларни тирилтирар эди. Йигит эса бу даражада каромат кўрсата олмасди.

Агар сиз ҳам пайғамбарлар йўлидан юриб, солиҳ амаллар қилиб, ихлосингиз, ибодатингиз, нафл ибодатларингиз, зикр-риёзатларингиз билан Аллоҳ субҳанаҳу ва таолога қурбат ҳосил қилсангиз, Аллоҳ таоло сизни солиҳ бандаларни синагандек синайди. Сизни ҳам, иншааллоҳ, пайғамбарларга хос мўъжиза бўлмаса-да, унинг кичикроқ кўриниши – каромат билан мукофотлантиради. Валлоҳу аълам.

Шу ўринда бир савол туғилади. Демак, бир одамда одатдан ташқари иш содир бўлса, у аҳли тақво ва солиҳ одам бўладими? Йўқ, асло! Пайғамбардан бошқа аҳли тақво ва солиҳ одамдан одатдан ташқари иш содир бўлса, каромат бўлади. Нотўғри йўлда юрган одамдан шундай иш содир бўлса, сеҳр ёки синов бўлади. Буни унутмаслигимиз керак.  Ухдуд эгалари қиссасида ҳам йигитда содир бўлган ғайри одатий ҳолат – каромат, саройдаги амалдорники эса сеҳр эди.

«ilmfruits.com» сайтидан таржима қилинди.

Таржимон: Саидкомил

Мавзуга оид мақолалар
Мусулмон хотинқизлар халқаро конференциясининг иккинчи босқичи «Аёл руҳининг маржони» шиори остида жорий йилнинг 5 апрель куни Украина «Инком» савдотижорат давоми...

20:58 / 27.11.2016 1152
Шубҳасиз, умид қилиш керак, лекин шу билан бирга ҳавф ҳам лозим. Баъзи уламоларнинг фикрича, бундай тахаллусланишларда нафсни поклаш бордек. Яна Аллоҳ билади. давоми...

03:42 / 23.04.2019 509
embedhttpswww.youtube.comwatchvTjUPMxusw2gembed

05:58 / 24.04.2017 2233
Аллоҳ таоло Қуръони Каримнинг илк оятида Яратган Роббинг номи билан ўқи дея амр қилиб, инсонни илм олишга буюрди. Пайғамбаримиз алайҳиссалом Илм олиш ҳар бир давоми...

10:00 / 05.12.2019 895