Ҳазрат Муҳаммад Содиқ
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Аҳли Ислом дунёсида табаррук зотдир,

Қуръон, ҳадис илмлари қалбида ёддир,

Қайси юртга қадам қўйса, шу юрт ободдир,

Муҳаммадга содиқ бўлган Муҳаммад Содиқ.

 

«Шайхулислом» деган унвон олий мақомдир,

Қилган амри маъруфлари ҳақ, бардавомдир,

Мўминларга дил сўзлари дарсдир, оромдир,

Муҳаммадга содиқ бўлган Муҳаммад Содиқ.

 

Айтган сўзларин қилиб, даво топгайсиз,

Шайтон очган эшикларни тамом ёпгайсиз,

Олислардан овозини тинглаб қолгайсиз,

Муҳаммадга содиқ бўлган Муҳаммад Содиқ.

 

Қилган дуолари, албат, ижобат бўлгай,

Кимки унга эргашибди, саломат бўлай,

Яхшиларга суянсангиз, шарофат бўлай,

Муҳаммадга содиқ бўлган Муҳаммад Содиқ.

 

Буюк Турон сарҳадида олим, фозилдир,

Қайси юртда йўқласалар, унда ҳозирдир,

Барча шайхлар узра ажаб улуғ нозирдир,

Муҳаммадга содиқ бўлган Муҳаммад Содиқ.

 

Ўзбек элин ҳам шуҳрати, ҳам шаъну‑шони,

Томирдаги оққан қони, маъдану кони,

Буюк сиймо, она халқим азиз ўғлони,

Муҳаммадга содиқ бўлган Муҳаммад Содиқ.

 

Бухорийлар, Термизийлар йўлин тутгувси,

Ҳадис илмин таснифидан минор қургувси,

Насиб этса, узоқ йиллар даврон сургувси,

Муҳаммадга содиқ бўлган Муҳаммад Содиқ

 

Андижондан чиққан қуёш, нурлари порлар,

Бобур Мирзодек улуғлар ҳар ерда ёрлар,

Дийдорини бир кўрмакка қанчадир зорлар,

Муҳаммадга содиқ бўлган Муҳаммад Содиқ.

 

 Булоқбошин сувин ичиб камол топган зот,

 Неча ҳориж тилларини англамишдир ёд,

 Бир орзуси – ўз ҳалқини кўрмоқлик ҳур, шод,

 Муҳаммадга содиқ бўлган Муҳаммад Содиқ.

 

Ёзган китоб‑битиклари Ҳақнинг каломи,

Қанча алломалар илмин йўлин давоми,

Етиб боргаймикан бугун Эргаш саломи,

Муҳаммадга содиқ бўлган Муҳаммад Содиқ.

 

 

Эргаш Юлдашев

2004, Булоқбоши.

 

Мавзуга оид мақолалар
Рус тилидан Гўзал  Дадамуҳамедова таржимаси XX ва XXI асрнинг машҳур ҳамда эътироф этилган мусулмон олимлари 1. Аҳмад Зевайл Асли мисрлик бўлган физик Аҳмад давоми...

01:59 / 05.08.2018 1391
Ғуслнинг фарзлари 73масала Тирноқ устида хамир қотиб қолган бўлиб, унинг тагига сув етмаган бўлса, ғусл тўлиқ бўлмайди. Ўша хамирни сув билан ишқалаб, уни давоми...

09:00 / 25.07.2019 1027