Қадрига етмадик, Сарбон бир инсон
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Совуқнинг сасидан сесканди юрак,

Қалблар чок-чокидан сўтилиб кетди.

Динин боши узра тутгувчи тиргак,

Устуни бу кунда йиқилиб кетди...

 

Бўғизда сўзимиз, босиб ҳаяжон,

Тиқилиб чиқолмас фарёдлар унсиз.

Эгасига тутиб омонати жон,

Ортидан қолдилар томи устунсиз.

 

Булоқлар кўз очиб тўхтамай оқса,

Ёмғирдан шалаббо бўлди дилларим.

Наҳот ўтмиш бўлиб бизларга боқса,

Бугундан яхшийди ўтган кунларим.

 

Паришон хаёллар изғийди ҳар ён,

Изғийди эгасиз қолган сурувдай.

Қадрига етмадик, Сарбон бир инсон,

Ортида қолдик-ку, кетдилар сувдай.

 

Чироқлар ёнмоқда, кунлар ўтмоқда,

Қуёш ҳам манзилга қўяди бошин.

Ё Раб! Мижжаларда қонлар оқмоқда,

Қайга яширсинлар кўздаги ёшин!

 

Осмондан тушақол, раҳмат ёмғири!

Сепилган уруғлар қаддини тутсин.

Куч тўплаб, тик турсин ҳар бир болдири,

Оғир юк залворин муносиб тутсин.

 

Қанча оғир юкни кўтарган устун,

Кўрмаган инсонга мисоли эртак.

Ёмғирдан қониб ич, навниҳол дўстим,

Ажабмас, устундек етишса куртак.

Акбаржон Абдулмажид

Мавзуга оид мақолалар
Биринчиси моҳияти жиҳатидан Матнда келган расмнинг моҳияти фотосуратга хилоф ўлароқ, Аллоҳ яратганга ўхшашини чизишдир. Фотосуратнинг моҳияти эса Аллоҳ давоми...

11:00 / 09.07.2019 1317
   Ибодат мия фаоллигига қай даражада таъсир кўрсатади «Myrna Brind Center» даги интегратив медицина тадқиқотлари раҳбари, медицина фанлари доктори Эндрю Ньюберг давоми...

21:17 / 04.03.2017 21613
Орадан ўтди қарийб икки ой , Сизни қаттиқ соғиндик, улуғ Ҳазратим . Бугун кўрдим осмонда гўзал Ҳилол ой , Гўё сизни кўрдим буюк Ҳазратим. Қабрингиз қуръоний давоми...

03:30 / 06.02.2017 3172
embedhttpswww.youtube.comwatchvg9BGHDqsH8embed

07:25 / 22.10.2018 979