Аёлларимизнинг ака ва укаларига бўлган муносабати. 5-кун
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

      Гўзал миллий қадриятларимизга кўра ака-укалар, ота-оналаридан ташқари, ўз опа-сингиллари олдида ҳам масъулиятни ҳис қилган ҳолда ҳатто улар турмушга узатилганларидан сўнг ҳам уларнинг ҳолларидан хабар олиб турадилар. Буни биз баъзан  ака-укаларимизнинг мажбурияти деб ҳам қабул қиламиз.

Ота уйидан кетган қизлар, одатимизга кўра, на уйдан ва на ўша уйдаги бирор моддий нарсадан таъма қилади. Иқтисодий таъминотимиз эрларимиз қўлларида экан, биз, одатда, борига шукр қилиб яшаймиз. Аммо орамизда ўта бой акасининг камбағал синглисига кўмаклашмаётгани хусусида эшитганлар ҳам бордир. Ва ёхуд аксинча ўзига тўқ опанинг укадан бирор нарса таъма қилиши ҳам учраб туради. Ака ёки укаларимизнинг бизга нисбатан адолатсизлик қилаётгани ҳақида сўзлашдан аввал «танганинг иккинчи томонига» ҳам қарайлик! Ўзимизнинг қайниопа ва қайнисингилларимиз қай аҳволда яшашяпти. Биз уларнинг акаси ёки укасига, яъни эрларимизга опа- сингиллари ҳолидан хабар олишни эслатяпмизми ёки уларни бу йўлдан қайтаряпмизми?      

Ўзимизда қўша-қўша тақинчоқлар бўла туриб, акамиз келинойимизга олиб берган бир дона узук ичимизни тирнайдими?

Укамизнинг хотинига қилган ширин муомаласи ғашимизга тегяптими?

Бугунги кун аёлларининг ака-укаларига бўлган муносабатлари қай даражада? Сиз уларда қандай комиллик аломатларини ва қайси камчиликларни кўрасиз? Фикрларингизни баён қилинг!

muslimaat.uz

Мавзуга оид мақолалар
embedhttpswww.youtube.comwatchvbo7e2eKb7E4embed

05:44 / 13.08.2018 1848
Билгилки, ҳар бир фазилатнинг ўз асоси ва ҳар бир одобнинг ўз манбаи бор. Фазилатлар асоси ва одоблар манбаи ақл бўлиб, Аллоҳ таоло уни дин учун асос, дунё учун эса давоми...

09:53 / 13.12.2016 1143
Мурид беодоблик қилганда бунинг иқоби кечикса, «Агар бу беодоблик бўлганда У Зот мададни кесар ва мени муқаррар равишда Ўзидан узоқлаштирган бўлар эди», дейиш давоми...

01:09 / 26.06.2019 483
Мойчечак гулининг гул саватчалари таркибида эфир мойлари, флавон гликозидлар, кумаринлар, каротин, С витамини, оқсил ошловчи, аччиқ ва шиллиқ моддалар бор. Ибн давоми...

03:00 / 22.11.2016 4532