Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Бошни фидо айла ато қошиға
Жисмни садқа қил ано бошиға...
Ассалому алайкум ва раҳматуллоҳи ва барокатуҳ! Сайтимизнинг муҳтарама фойдаланувчилари. Муборак Рамазоннинг файзли кунларида гўзал суҳбатларимизда иштирок этаётганингиздан ва жамиятимизда мавжуд муаммоларни ҳал қилишда ўз ҳиссангизга қўшишга ҳаракат қилаётганлигингиздан бениҳоя мамнунмиз. Бугунги суҳбатимиз ота ва онага бўлган муносабат, ота-онага кўрсатиладиган ва аслида кўрсатилиши керак бўлган одоб ҳақида. Хўш, ота оналаримизга бугунги кунда бўлган муносабатимиз қандай? Уларни етарли даражада ҳурмат қиляпмизми? Эртага фарзандларимиздан ўзимизга нисбатан шундай муомала бўлишини орзу қиламизми? «Жаннат оналар оёғи остида» «Отанг ўтирган уйнинг томига чиқма» Асрлар давомида халқимиз амал қилиб келган бу сўзлар бугун ўз кучига эгами? Биз бугун бирор иш бошлашда ота-онамиздан маслаҳат ва дуо оляпмизми? Уларнинг тавсиялари асосида ҳаёт кечиряпмизми? Сўзлашганда жеркимасдан, юмшоқлик билан муомала қиламизми?Сизнинг бу ҳақдаги фикрларингиз қандай?
muslimaat.uz
