Намоз адо этилувчи уй – фаришталар маскани
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Намоз адо этилувчи уй фаришталар маскани

Савол: Намозни тарк этишнинг зарари нималардан иборат?

Жавоб: Намоз ўқишликни тарк этганлар бу дунё ва охиратда катта йўқотиш ва зиён кўрувчилардан бўладилар. Ҳадисларнинг бирида марҳамат қилинишича, инсондан сўралувчи биринчи амал – бу намоздир. Намози дуруст бўлса, кейинги савол-жавоблар у учун енгил бўлади ва бундай одамга мурувват кўрсатилади.

Агар инсон намозни адо этмаган бўлса, унинг савол-жавоби жуда оғир кечиб, охир-оқибат ҳалок бўлади.

Шунинг учун ҳам диний савияси юқори одамлар намозни заррача бўлса-да, камчиликларсиз адо этишга уринадилар. Агар улар намозни қазо қилиб қўйсалар, тезда қолдирилган намозни ўқиб, Парвардигорлари ҳузурига қарзсиз боришга интиладилар.

«Танбеҳул ғофилин» китобининг намозни тарк этишнинг зиёнларига бағишланган бобида қуйидаги ҳикоя келтирилади:

Бир куни  ёмон, ёвуз бир инсон шайтонни учратибди ва ундан сўрабди: «Ҳой Иблис! Сенга ўхшашлигим учун нима иш қилишим керак?» Иблис жавоб берибди: «Шу кунга қадар ҳеч ким менга ўхшашликни истамаган эди. Агар сен менга ўхшашликка қарор қилган бўлсанг, унда, аввало, икки нарсани тарк этишинг керак:  булардан биринчиси – намоз, иккинчиси – шаҳодат калимаси».

Бошқа бир ривоятда бундай дейилади: «Дунё бўйлаб кезиб юрувчи фаришталар инсонлар яшайдиган уйнинг эшиги олдида шайтонлар билан учрашадилар ва уйга кириш борасида баҳслашиб қоладилар. Фаришталар: «Бу уйга биз кирамиз, шайтонларнинг бу ерда қиладиган ишлари йўқ», дейдилар. Шайтонлар: «Йўқ, бу уйга биз кирамиз, бу фаришталар маскани эмас», деб жавоб қайтарадилар. Баҳс давом этаётган бир пайтда азон товуши эшитилиб, мунозара тўхтайди. Агар азон билан бирга бу уйда намоз ўқишга тайёргарлик бошланса, унга фаришталар киради, шайтонлар эса ҳафсалалари пир бўлиб нари кетадилар. Аммо уйда намозга тайёргарлик бўлмаса, хонадон соҳиблари орасида намозни адо этувчи топилмаса, у ҳолда уйга шайтонлар кириб, фаришталар қайтиб кетадилар».

Шунинг учун ҳам ота-боболаримиз: «Намоз ўқилмайдиган уй – шайтоннинг бошпанаси, намоз қоим қилинувчи уй эса фаришталар маскани», деб бежиз айтмаганлар.

интернет материаллари асосида тайёрланди

 
Мавзуга оид мақолалар
Аллоҳ таоло  «Уларни ўз оталари номи билан чақиринглар. Ана шу Аллоҳнинг наздида тўғридир. Агар оталарини билмасангиз, улар сизнинг дин қардошларингиз ва давоми...

09:42 / 17.11.2016 2236
embedhttpswww.youtube.comwatchv2YAfwGqopgembed

01:02 / 04.03.2017 3433
Сунъий билимлилик оқибатида пайдо бўлган шубҳалар хусусида сўз Шу пайтга қадар тушунтиришга ҳаракат қилганим масалада, яъни аёлнинг кийимкечаги, меҳнати ва давоми...

22:55 / 23.01.2017 1442
         Хабар Ислом тарихи фанидан очиқ дарс 24 апрель санасида Хадичаи Кубро аёлқизлар билим юртида Ислом тарихи фанидан 2 босқичлар учун Илк жума намози давоми...

03:39 / 25.04.2017 1376