Покиза аёллар покиза эркаклар учундир
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Бисмиллаҳир роҳманир роҳим

Нопок хотинлар нопок эркаклар учундир. Нопок эркаклар нопок хотинлар учундир. Покиза аёллар покиза эркаклар учундир. Покиза эркаклар покиза аёллар учундир. Ана ўшалар у(бўҳтончи)лар айтаётган нарсалардан поклангандирлар. Уларга мағфират ва гўзал ризқ бордир.

(Нур сураси, 26-оят)

Ушбу ояти каримада Аллоҳ таоло исломий жамият ҳаётидаги муҳим бир асосни баён қилмоқда. У ҳам бўлса, нопок қалблар ўзларига ўхшаган нопоклар билан топишиши, ўз навбатида, пок қалблар ўзидек покиза қалблар билан топишиб бирлашишидир. Асли нопок инсондан доимо нопоклик содир бўлади. У ўзига ўхшаган нопокларни ёқтиради, улар билан топишади, доим бирга бўлади. Лекин пок кишиларга қўшила олмайди. Шунингдек, пок одам ҳам доимо поклик билан яшайди. Пок кишиларни қидиради, топади, бирга бўлади. Эру хотин бўлишда ҳам шу. Пок хотинга пок эр, нопок хотинга нопок. Агар нопок билан пок бирлашиб қолса, бу ҳамдамлик узоққа бормайди. Чунки пок билан нопокнинг бирга бўлишлари амримаҳол. Шундай экан, Аллоҳ пок қилиб яратган, Пайғамбарликка танланган Зот Муҳаммад соллаллоҳу алайҳи васаллам Оишаи Сиддиқани ҳамма аёлларидан яхши кўришлари у аёлнинг ниҳоятда поклиги сабабидан эмасми?! Оиша онамизда заррача нопоклик бўлганида, у муҳтарама зотни Аллоҳнинг Пайғамбари Муҳаммад соллаллоҳу алайҳи васаллам шунчалар яхши кўришлари мумкин эдими?! Ана ўша пок эр ва аёллар бўҳтончилар уларга қўяётган айблардан покдирлар. «Уларга мағфират ва гўзал ризқ бордир». Уларга бу дунёда мағфират – гуноҳларини кечиш ва у дунёда гўзал ризқ – жаннат бордир.

Мавзуга оид мақолалар
Муҳтарама опасингиллар, камина бугун сизларга муслима аёлни жаннатга элтувчи бир амал ҳақида дилдан мактуб давоми...

21:00 / 29.11.2019 5223
muslimaat.uz сайти раҳбари Одинахон Муҳаммад Содиқ Туркиядаги илмий сафардан қайтибоқ, Қуръон қироати мусобақаси давоми...

12:12 / 05.02.2018 3019
Керакли маҳсулотлар 0,5 л сут, 125 г маргарин, 2 та тухум, 1 пиёла шакар, 1 ош қошиқ хамиртуруш дрожа, керагича давоми...

11:40 / 29.11.2016 10916
«Гўзал ўрнак» ЖАМИЯТНИНГ ГЎЗАЛ ЎРНАККА БЎЛГАН ЭҲТИЁЖИ Ҳар бир жамият ва ҳар бир шахс, эркак бўлсин, аёл давоми...

17:30 / 01.06.2017 4009