Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Испаниянинг Олий суди Каталониянинг Лерида шаҳрида жамоат жойларида мусулмон аёлларнинг паранжида юришларини, шунингдек юзни ёпиб турадиган бош кийимларни таъқиқлашни бекор қилди.

Суд вакилларининг сўзига кўра, Европа ва Испан қонунчилигида жамоат жойларида юзни ёпадиган кийимларни таъқиқлаш қонун бўйича асосланган бўлиши керак. Лекин бундай қонун Испанияда ҳозирча йўқ. Бундан ташқари, судда қайд қилишларича, бундай таъқиқлаш шахснинг виждон эркинлиги ҳақидаги ҳуқуқини поймол қилади.

2010 йил Лерида шаҳри (Каталония) жамоат жойларида мусулмон хотин-қизларниг юзларини ёпадиган анъанавий кийим кийишларини маҳаллий ҳокимият томонидан таъқиқлаган биринчи испан шаҳри бўлди. Маҳаллий мусулмон жамоаси бу қарорни судда бекор қилинишига эришди.

2 март, «Ислам.ру»дан олинди.

Муслима Робиъа таржимаси.