...Қалбларимиз сен даъват қилаётган нарсадан ғилофлардадир...
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Бисмиллаҳир Роҳманир Роҳим

Улар: «Қалбларимиз сен даъват қилаётган нарсадан ғилофлардадир, қулоқларимизда оғирлик бор, сен билан бизнинг орамизда эса парда бор. Бас, сен амалингни қилавер, биз ҳам, албатта, ўз амалимизни қилгувчилармиз», дедилар.

(Фуссилат сураси, 5 оят)

Бу оятда мушрикларнинг Қуръони Карим ва Ислом даъватига муносабатлари ажойиб бир услуб билан баён қилинмоқда. Пайғамбаримиз соллаллоҳу алайҳи васалламга айтган гаплари ўз тилларидан нақл этилмоқда. Муҳаммад Мустафо соллаллоҳу алайҳи васаллам уларга Аллоҳ таолонинг оятларини ўқиб берганларида, уларни ҳақ дин Исломга чақирганларида, улар бу улкан ҳақиқатдан юз ўгирдилар, уни эшитмадилар ва бу ҳолатларини қуйидаги сўзлар билан изоҳладилар:

«Қалбларимиз сен даъват қилаётган нарсадан ғилофлардадир...»

Эй Муҳаммад, сен бизни чақираётган Қуръонга, Ислом даъватига келганда, бизнинг қалбларимиз бир эмас, бир неча ғилофларга ўралиб қолади. Шунинг учун ҳам, ундан ҳеч таъсирланмайди.

«...қулоқларимизда оғирлик бор...»

Эй Муҳаммад, сенинг даъватингга нисбатан қулоқларимизда оғирлик бор. Уни мутлақо эшитмаймиз. Бошқа нарсаларни эса яхши эшитамиз.

«...сен билан бизнинг орамизда эса парда бор.»

Эй Муҳаммад, сен билан бизнинг орамизда парда – тўсиқ бор, ундан ҳеч қаёққа ўтиб бўлмайди. Сен биз томонга ўтиб бизга таъсирингни ўтказа олмайсан, биз сен томонга ўтиб сендан таъсирланмаймиз.

«Бас, сен амалингни қилавер, биз ҳам, албатта, ўз амалимизни қилгувчилармиз.»

Биз билан мутлақо ишинг бўлмасин. Хулоса қилиб айтганда, биздан, умуман, умидингни узавер, барибир, сенинг даъватингни қабул қилмаймиз, дедилар.

Мавзуга оид мақолалар
Қуръон мусобақасининг Республика босқичига тайёргарликлар қандай кетмоқда Ҳасанхон Қори Яҳё Абдулмажид билан суҳбат. embedhttpswww.youtube.comwatchvznb2cgksfO4featureyoutu.beembed

08:58 / 13.04.2018 2985
Кунига ўн оятдан ёдланса, 1 йилу 9 ойу 3 кунда.Кунига ярим бетдан ёдланса,3 йилу 4 ойу 24 кунда.Кунига бир бетдан ёдласа,1 йилу 8 ойу 12 кунда.

11:48 / 03.04.2023 1905
«Дунёда энг гўзал ким», деган саволга адиблар ва рассомлар «Бола кўтарган аёл», деб бир хилда жавоб берган ва уларнинг шу ҳақидаги асарлари энг катта шуҳрат давоми...

05:16 / 24.01.2017 5173
Арзимаган  кичик бўрон пайтида кемадан фақат қўрқоқларгина биринчи бўлиб жуфтакни ростлайдилар. Ҳаттоки каламушлар ҳам кема чўкишни бошлагандан сўнг қочиш давоми...

03:57 / 02.03.2017 8961