Сафар таассуротлари
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Рометанга кел, дўстни тутмоқ истасанг.

Кел, бошингдин оёқ ясаб, аё дўст,

Гар Азизон руҳин шод этмоқ истасанг...


Тўртинчи пири муршид   Хожа Али Ромитоний қуддиса сирриҳунинг табаррук қадамжоларини зиёрат қилиш мақсадида Ромитон туманидаги  Қўрғон қишлоғига етиб келдик. Хожа Али Ромитоний "Хожаи Азизон" номи билан машҳур.   У зот 1321 йилда вафот этган. У зотнинг тўртта машҳур халифалари: Хожа Муҳаммад Кулоҳдуз, Хожа Муҳаммад Халлож, Хожа Муҳаммад Бовардий, Хожа Муҳаммад Бобойи Самосий бўлган.  У зотнинг зиёратларидан сўнг шогирдлари Хожа Муҳаммад Бобойи Самосий қуддиса сирриҳунинг  мақбараларини зиёрат қилдик.



Бешинчи пири муршид Хожа Муҳаммад Бобойи Самосий қуддиса сирриҳу Ромитон туманидаги Симос қишлоғида 1259 йилда таваллуд топган. У зот 1354 йил вафот этган. Қабрлари Самос қишлоғида. Бобойи Самосийнинг касблари деҳқончилик бўлган. Ҳазратнинг кароматлари ва хулқлари ҳақида «Мақомоти Амир Кулол», «Мақомоти Шоҳи Нақшбанд», «Туҳфат аз зоирин» ва бошқа манбаларда зикр қилинган. Жомийнинг «Нафоҳатул унс» китобларида таъкидланишича, Хожа Муҳаммад Бобойи Самосий ўз кулоҳларини Баҳоуддин Нақшбандга берган. Аллоҳ таоло шу кулоҳ шарофатидан Баҳоуддин Нақшбандга балогардонлик кароматини ато этган экан. Ҳазрат Муҳаммад Бобойи Самосийнинг жуда кўп мурид, шогирд, издошлари бўлган.


  Улуғ аждодларимизнинг  зиёратлари қалбимизга хотиржамлик, сокинлик бахш этди.  Нафс ва хулқларида тақво аҳллари бўлган бу зотлар ҳаётини ўрганиш, ҳаётимизга татбиқ қилиш нақадар улкан саодат...


Муҳайёхон Муҳаммад Юсуф

Бухоро-Ромитон


Муаллиф
Мавзуга оид мақолалар
Дунёга машҳур америкалик хонанда Акон тўлиқ исми Алиум Дамала Бадара Эйкон Тиам Маккаи мукаррамага ташриф давоми...

02:00 / 01.06.2020 2950
Азон саси остида қолган осуда шаҳарни бир парча деразадан томоша қилар эканман, томоғимга аччиқ бир нарса давоми...

02:00 / 18.08.2020 2580
Дунё бўйлаб тарқалган пандемия сабабли Буюк Британияда ҳам масжидлар ҳамон ёпиқ. Муборак Рамазон ойида давоми...

19:02 / 25.04.2020 2616
Саҳарлик ва ифторлик дуолари Эслатма, юртимиз ҳудудларида вақтлар Тошкент вақтига нисбатан тафовут давоми...

20:34 / 06-mart 1719