Сафар таассуротлари
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

 27 декабрь 2023 йил


Қадим Бухоронинг етти пир мақбараларига қилинган зиёрат сафаримиз  дастлаб тариқат пирларининг султони Хожа Абдулхолиқ Ғиждувоний қуддису сирриҳу  мақбараларини зиёрат қилишдан бошланди.

Бу зоти шариф мақбаралари Ғиждувон шаҳрида жойлашган.  Авлиёлар султони, қутби замон, олими Раббоний, буюк тарбиячи бўлган бу зот  хожагон тариқатининг асосчиси ҳисобланадилар. Зиёратгоҳда у зот ҳақларига  Қуръони Карим тиловати ва хайрли дуолар қилинди.


Сўнгра иккинчи пири муршид  Хожа Муҳаммад Ориф ар-Ревгарий қуддису сирриҳунинг мақбаралари қўним топган Шофиркон туманига бордик.


"Хожа Ориф Моҳитобон" номи билан ҳам машҳур бўлган бу пири муршид  юз йилдан зиёд умр кўрганлар.  Нақл қилинишича,  Хожа Ориф ўрта бўйли,  катта кўзли, бутун вужудларидан мушку анбар ҳиди анқиб турадиган зот бўлган эканлар. У зот ҳазрат Абдулхолиқ Ғиждувонийнинг тўртинчи халифалари ҳисобланадилар.


У зот мақбаларини зиёрат қилгач, Вобкент туманига йўл олдик.  Хабарингиз бор, у туманда учинчи пири муршид мақбаралари қўним топган.


Хожа Маҳмуд Анжир Фағнавий қуддису сирриҳу шу туманнинг  Анжир Фағни қишлоғида туғилган.  У зот илми қол ва илми ҳолни ҳазрат Хожа Ориф Ревгарийдан ўрганганлар.  У зотнинг касблари гилкорлик бўлган. Ҳазратнинг қабрлари устида янги мақбара, мақбара ёнида ҳовуз ва жомеъ масжиди қурилган. Айни пайтда бу жой обод зиёратгоҳга айланган...


Хожа Маҳмуд Анжир Фағнавийнинг зиёратларидан сўнг  тўртинчи пири муршид зиёратларига  йўл олдик...



Муҳайёхон Муҳаммад Юсуф,

Бухоро-Шофиркон-Вобкент

Муаллиф
Мавзуга оид мақолалар
Куни кеча филолог, педагог, журналист Дилфуза Комил муаллифлигида ТWО DOORS интеллектуал семинарлар давоми...

06:38 / 30.07.2021 13139
Душанба куни Бирлашган Араб Амирликларида қизлар ўртасида Қуръон тиловати мусобақасининг сўнгги саралаш давоми...

21:38 / 24.02.2022 3132
Саудия Aрабистонида яшовчи Ренада Ҳусайн эшитиш қобилияти чекланган одамларга автомобил бошқаришда ёрдам давоми...

17:56 / 30.01.2021 4589
Туркиянинг Диёрбакр вилоятида истиқомат қилувчи Ражаб Чинор Қуръони Каримни ўзига хос усулда ўрганиб, ёд давоми...

03:22 / 31.03.2020 4786