Аллоҳ сизларнинг суратингизга, молингизга қарамайди...
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Абу Ҳурайра розияллоҳу анҳудан ривоят қилинади:

«Расулуллоҳ соллаллоҳу алайҳи васаллам: «Аллоҳ сизларнинг суратингизга, молингизга қарамайди, лекин қалбингизга ва амалингизга қарайди», дедилар».

Биз ва биз эга бўлган молу мулк Аллоҳники бўла туриб Аллоҳ таоло шу нарсаларга қарамас экан, балки қалбларга ва амалларга қарар экан, сизларга нима бўлдики эй инсонлар, суратга олишга бу қадар муккангиздан кетдингиз?

Роббимиз наздида суратнинг бу қадар аҳамияти йўқ экан, нима учун биз суратлар билан ўралашиб қоляпмиз? Нима учун асосий эътиборимиз зоҳирий кўринишларга боғланиб, ботиний бойликлар аҳамиятдан четда қоляпти?

Опаларим, сингилларим! Менинг кўринишим, ориғлигим ёки тўлалигим, ёш ё қари кўринишим, устимдаги либосларим сизларни чалғитиб қўймасин. Балки қалбимдаги ғамимга, сизлар учун аталган сўзлар маъносига, сизлар учун бўлган чорловларга назар солинг! Номаиаъмолингизни менинг кўринишим ҳақидаги асоссиз ва фойдасиз гаплар билан тўлдирманг, балки мен чақириқ қилган солиҳ амаллар билан тўлдиринг. Аллоҳ хайрингизни берсин, жисмим ва молим менинг шахсий нарсаларим, уларни ўзимга қўйиб беринг. Ундан кўра дунёю охиратингизга манфаат бўладиган илмни олиб, қалбларингизга жойлаб олинг ва уларга амал қилинг. Чунки Роббимиз қалбларимиз ва амалларимизга қарайди.

Муаллиф
Мавзуга оид мақолалар
  ТАЪЗИЯ ОДОБЛАРИ Айрилиқ дарди оғир, жуда оғир. Тақдири илоҳийга бўйсунсакда, қазонинг ҳақлигига иқрор давоми...

22:49 / 19.03.2017 6682
ОЧКЎЗЛИКНИНГ ОҚИБАТИ  Кунларнинг бирида бир очкўз Исо алайҳиссалом ҳузурларига келиб Эй Исо Сен билан давоми...

22:03 / 17.03.2017 4434
Ривоятларда айтиладики, ҳазрати Иброҳим алайҳиссалом бир куни ўғиллари ҳазрати Исмоил алайҳиссаломни давоми...

21:00 / 24.12.2019 4162
Ислом лашкари ўрта ер денгизи мамлакатларини фатҳ қилган кун буюк ва бахтли кун бўлди. Мусулмонларнинг давоми...

15:41 / 22.11.2016 4380