Қайтсангиз, Ўзига қайтинг, паноҳ истасангиз, Ўзига юкининг!
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ҳаётим давомида таскин излаган онларим кўп бўлди. Қуръондан ортиқ таскин берувчини топмадим.

Дардларимни бировга айтиб, юпаниш учун сўзлардан маржонлар тердим, ҳеч бири Аллоҳнинг зикридек юпанч бўлмади.

Йиғлаганда бош қўймоққа жой қидирдим, бирортаси саждадек енгиллик бахш этмади менга.

Муҳтож бўлган чоғларимда бергувчи қўл қидирганларим... Аммо... Аллоҳдан ўзга беминнат неъмат етказувчини топмадим.


Айб қилганимда, хатога йўл қўйганимда, таъна-дашномлар остида қолдим. Тавбамни қабул қилгувчи биргина У бўлди.


Ношукрлик қилганимда кечиргувчи ҳам, шукр қилганимда зиёда қилгувчи ҳам Ўзи бўлди.


Шундай экан, қайтсангиз, Ўзига қайтинг, паноҳ истасангиз, Ўзига юкининг, ризқ изласангиз, Ундан сўранг, хотиржамлик хоҳласангиз, Уни зикр этинг, дардкаш қидирсангиз, Ўзига муножот қилинг.

Барча "калит"лар Ўзида. Қулфлар бирма-бир очилаверади-очилаверади...


 Гавҳар Насруллоҳ

Манба
Мавзуга оид мақолалар
Хабар берилишича, Ўзбекистон делегациясининг Саудия Арабистонга қилган ташрифида Ўзбекистондан 5200 та давоми...

10:23 / 23.01.2017 3291
Пойдеворга асос солиниши.Абу Зарр розияллоҳу анҳу айтади.Эй Аллоҳнинг Расули, ер юзида қайси масжид биринчи давоми...

01:01 / 25.05.2021 9993
Тошкент вилоятининг Бўка тумани Ўртақўрғон жоме масжидида Қуръон қироати мусобақаси ўз якунига етди. Бўка давоми...

20:45 / 10.02.2018 3121
Мажлис оиладаги қўполлик ва унинг муолажаси масаласини ва унга бағишланган илмий тадқиқотларни кўриб чиқди давоми...

17:55 / 16.10.2016 3683