Биз дунёдан кетар бўлдик
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Биз дунёдан кетар бўлдик,

Қолганларга салом бўлсин!

Бизлар учун хайр дуо

Қилганларга салом бўлсин!


Ажал букди белимизни,

Сўйлатмасдан тилимизни.

Хаста экан ҳолимизни

Сўрганларга салом бўлсин!


Жасад ўртага олинур,

Ёқасиз кўйлак бичилур...

Бизни осон бир важҳ ила

Ювганларга салом бўлсин!


Азроил олгай жонимиз,

Қурур томирда қонимиз...

Сўнгги кийим – кафанимиз

Тикканларга салом бўлсин!


Намоз ўқигайлар бизга –

Етар бўлдик Дўстимизга.

Қасд айлаб жанозамизга

Келганларга салом бўлсин!


Дунёга келганлар кетар,

Ҳаргиз келмас йўлга етар.

Бизнинг ҳолимиздан хабар

Олганларга салом бўлсин!


Мискин Юнус сўйлар сўзи,

Ёшга тўлмиш икки кўзи...

Билмаган не билсин бизни?

Билганларга салом бўлсин!


Ла илаҳа иллаллоҳ,

Дардларга дармон – Аллоҳ!


Юнус Эмро

Гулбаҳор Абдуллоҳ таржимаси


Муаллиф
Манба
Мавзуга оид мақолалар
 Агар қайт рўзадордан ғолиб келса ёки эсидан чиқиб оғзини очиб юборса ёки эҳтилом бўлса, назар солиб туриб давоми...

09:42 / 18.11.2016 4074
Бисмиллаҳир Роҳманир Роҳийм Бизни Рамазонга соғсаломат етказган Аллоҳ субҳанаҳу ва таолога чексиз давоми...

03:07 / 26.12.2016 3236
Бола тарбиясига оила муҳитининг таъсири жуда катта. Фарзандлар биринчи бўлиб отаонасининг гапсўзи, хулқи, давоми...

06:53 / 12.10.2016 4045
Ўзбекистонда июнь ойида анъанавий тарзда «Гиёҳвандликка қарши кураш» ойлиги ўтказилади. Ойлик наркотик давоми...

01:15 / 23.12.2016 3371