Ҳадис мусобақасининг Тошкент шаҳри босқичи бошланди
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

 
Бугун 4 май 2018 йил санасида Ўзбекистон Президенти Шавкат Мирзиёев ташаббуслари билан “Ҳадиси шариф билимдони – 2018” Республика танловининг Тошкент шаҳар босқичи бошланди. Мазкур беллашув Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита, Ўзбекистон Мусулмонлар идораси, Олий ва ўрта махсус таълим вазирлиги, Ўрта махсус, касб-ҳунар таълим маркази халқ таълими вазирлиги, Ўзбекистон Ёшлар иттифоқи, Республика маънавият ва маърифат марказининг ўзаро ҳамкорлигида ўтказилмоқда. Анъанага кўра мусобақа Қуръони Карим тиловати билан бошланди. Уни Ўзбекистон Қуръон мусобақасининг Республика босқичи тиловат йўналиши бўйича 1-ўрин соҳибаси, Тошкент Ислом институти 1-босқич талабаси Муфаззала Сайдалиева қироат қилиб берди. Сўнг юртимизда илк бор ўтказилаётган ҳадис мусобақасини Ўзбекистон Мусулмонлар идораси раис ўринбосари Иброҳим қори Инъомов ўз сўзлари билан очиб берди. Мусобақа шартлари билан эса ҳайъат раиси Эркин Миркомилов иштирокчилар ва йиғилганларни батафсил таништирди. Беллашувни Тошкент шаҳридан фуқаро Ҳамдамова Лолахон бошлаб берди. Иштирокчилар сони жами 38 та, шундан оддий халқдан 11 нафар аёл-қизларимиз қатнашмоқда. Тошкент Ислом институтидан 12 та, “Хадичаи Кубро” ўрта махсус аёл-қизлар Ислом билим юртидан эса 15 нафар иштирокчи қизларимиз ўзаро беллашмоқдалар. Айни шу кунларда “Ҳадиси шариф билимдони – 2018” Республика танлови юртимизнинг бошқа вилоятларида ҳам бўлиб ўтмоқда. Хабарлар ривожини биз билан кузатиб боринг. “muslimaat.uz” учун махсус
Мавзуга оид мақолалар
БиласизмиБомдод намози нега айнан қуёш чиқишидан олдинўқилишининг сабабини биласизмиҚуёш чиқишидан олдин давоми...

21:44 / 18.03.2020 11917
Ойижон, мени ҳам саҳарликка уйғотинг, мен ҳам сизлар билан рўза тутаман, деди Фазлиддин онасига. Ҳали давоми...

22:43 / 06.03.2017 5652
Биз ёт ғояларга қаршимиз              Ўзбекистон юртим, жонажон Ватан, Сенсан жаннатмакон, мўътабар давоми...

19:27 / 26.06.2018 3373
Muslimaat.uz сайти ва Bintu Sodiq канали ходималари 2019 йили 18 декабрь куни Тошкент метроcининг Юнусобод йўналиши давоми...

11:52 / 19.12.2019 2845