Танловда қизлар ўртасида мусулмон ҳуқуқи бўйича энг билимдонлар аниқланди
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

 Саратов Ислом мажмуасида аёллар ўртасида «Фиқҳ билимдонлари» викторинаси бўлиб ўтди, дея хабар беради Саратов области Мусулмонлар Диний Идорасининг матбуот хизмати.

«Шайх Саъид» мадрасасининг кечки бўлинмаси талабаларидан таркиб топган иштирокчилар уч жамоага бўлиндилар:«Фийсабилиллаҳ», «Сунна» ва «Ал-Ихлос». Уларнинг ҳар бири ўз шиорига эга бўлиб, ўзлари ҳақида кичик ижодий намойиш ҳам тайёрладилар. Ўйин давомида бошловчи билимдонларга фикрлаш учун қизиқарли мусобақалар ва блиц саволлар тақдим қилди. Жамоаларнинг амалий машқлари ҳам ўзгача қизиқиш уйғотди: унда иштирокчилар манекенда хожига эҳромни қандай кийинтириш кераклигини кўрсатиб беришлари лозим эди. Викторинада мухлислар ҳам иштирок этдилар. Тўғри жавоб учун уларга совғалар берилган бўлса, ютган баҳоларини ўзлари ёқтирган ўйин иштирокчиларига тақдим қилишлари мумкин эди. Жамоалар яхши тайёргарликни намойиш этиб, ўйин давомида тўпланган баллар сони бўйича ёнма-ён бордилар. Танлов охирида кичик фарқ билан «Сунна» жамоаси ғалабага эришди. Викторина ҳайъат аъзоларига жуда маъқул келди. Уларнинг сўзларига кўра, бундай ўйинлар жуда ҳам фойдалидир. Чунки Пайғамбаримиз Муҳаммад соллалоҳу алайҳи васаллам айтганларидек, илм ва эҳсондаги мусобақа яхшидир. Таъкидлаш лозимки, Саратов Ислом мажмуасида бундай викторина аввалроқ эркаклар ўртасида ҳам ўтказилган эди.

islam.ru сайтидан олинди.

Мавзуга оид мақолалар
Ҳаммамизга маълумки, болаларнинг таълим жараёни ниҳоятда муҳим саналади. Уларнинг ҳар томонлама ўқишга бўлган рағбатини ошириш, дунёқарашини кенгайтириш, давоми...

23:21 / 24.02.2018 2617
Бисмиллаҳир Роҳманир Роҳийм       Аллоҳ таолога ҳамд, Пайғамбаримиз солаллолоҳу алайҳи васалламга салом ва дурудлар бўлсин Ассалому алайкум азиз мухлислар, давоми...

05:34 / 14.03.2017 6439
18 декабрь 2018 йил санасида Grandtalim ўқув марказида халқаро араб тили куни муносабати билан ажойиб тадбир бўлиб ўтди.Тадбирга Ҳилолнашр нашриёти ва Islom.uz портали давоми...

04:01 / 19.12.2018 1441
Украиналик Марямдан мактуб Ассалому алайкум ва роҳматуллоҳи ва барокатуҳу Аллоҳ таолонинг иродаси билан Исломга келганимдан жуда мамнунман. Бу борада Islam.uz давоми...

02:37 / 30.05.2018 3424