Британия шаҳзодаси Чарлз араб тилини ўрганмоқда
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

"Британия тахти вориси шаҳзода Чарлз ярим йилдан бери араб тилини ўрганмоқда", деб хабар беради Телеграф газетаси.

Қатар пойтахти Дохада Британия университетларининг Қатардаги битирувчилари ассоциацияси тақдимоти шарафига бўлиб ўтган қабул маросимида шаҳзода Чарлз қатнашувчиларнинг инглиз тилини мукаммал билишларини эътироф этди.

Қатарнинг Энергетика вазири, шунингдек ушбу ассоциациянинг бошлиғи бўлмиш Муҳаммад ибн Салоҳ ал-Сада Чарлздан «Араб тилида бирор нарса дея оласизми?» деб сўради. Шаҳзода:«Бир вақтлар уни ўрганмоқчи бўлгандим, лекин қолдирганман», деб камтарона жавоб берди. «Бир қулоғимдан кириб, иккинчи қулоғимдан чиқиб кетади», деб қўшиб қўйди Чарлз . Лекин кейинчалик Британия тахт ворисининг ёрдамчиларидан бирининг хабар беришича, шаҳзода ярим йилдан бери араб тилидан дарс олмоқда. Шаҳзоданинг эътироф этишича, бу тилни ўрганиш динлараро мулоқот ўрнатиш тарафдори бўлган Чарлзга Қуръони Каримни ўқишга, масжид ва Ислом санъати музейларидаги ёзувларни мустақил равишда таржима қилишга имкон беради. Нашриётнинг таъкидлашича, шаҳзода француз тилида, бироз немис тилида ҳам гапира олади. Шунингдек, у валлий тилидан (бритт гуруҳидаги келт тилларига мансуб) ҳам дарс олган. «Риа новости»дан Муслима Робиъа тайёрлади.
Мавзуга оид мақолалар
Сомсанинг ушбу тури шаҳар аҳолиси ўртасида анча қадимдан келиб чиққан бўлиши керак. Чунки ҳафсала билан бемалолчиликда тайёрлашни тақозо қилиши ва тузилиши ҳам давоми...

06:18 / 24.02.2017 6214
 Муҳаббатга мубтало бўлиб Бир йигит бор эди. Олий ўқув даргоҳида бир қизни ёқтириб,  унга уйланмоқчи бўлганида, қизнинг отаси уни бошқасига турмушга берди. Йигит давоми...

19:24 / 26.12.2016 1339
ХХ аср охирида турли мамлакат олимлари узоқ яшаш рецептларини астойдил излай бошладилар. Узоқ муддат давомида кўп маблағ сарфлаган ҳолда ўтказилган тажрибалар давоми...

08:53 / 11.03.2019 1119
Ғарб мамлакатларида ҳар йили декабрь ойининг охирида Исо алайҳиссалом таваллуди Рождество байрами муносабати билан жуда катта миқдорда савдо молларининг давоми...

05:33 / 02.05.2019 1649