Фарзандларимизга сийратни танитамиз
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ассалому алайкум ва раҳматуллоҳи ва барокатуҳ! Бизни эзгу ишлар устида жам қилган Аллоҳ таолога беҳисоб ҳамдлар бўлсин! Ҳабибимиз Муҳаммад соллаллоҳу алайҳи васалламга салавоту дурудлар бўлсин!

Алҳамдулиллаҳ, яна муборак Мавлид ойи остонасидамиз. Бу ой шарофати билан барчамиз яна бир бор Расулуллоҳ соллаллоҳу алайҳи васалламнинг муборак ҳаётларини эслашга, саодат асрида яшаб ўтган илк мусулмонлар ҳақида ўрганишдек буюк неъматга сазовор бўламиз. Анъанага кўра, бу йил ҳам Мавлид ойи учун танлов эълон қилмоқчимиз. «ФАРЗАНДЛАРИМИЗГА СИЙРАТНИ ТАНИТАМИЗ» номли ушбу танловда эътиборимизни келажагимиз эгалари – фарзандларимизга Расулуллоҳ соллаллоҳу алайҳи васаллам сийратларини танитиш, уларнинг исломий дунёқарашини кенгайтириш, қолаверса, ўзаро тажриба алмашинишни мақсад қилиб қўйдик.

Танлов шартига кўра, иштирокчилар фарзандлари (жиянлари, ука-сингиллари) билан биргаликда сийрат мавзусига оид тайёрлаган нарсаларини (расм чизиш-бўяш, ясаш, плакат, хаттотлик намунаси, шажара дарахти – қолгани ўз ижодкорлигингизга боғлиқ) суратга олиб, юборадилар. Бир иштирокчидан кўпи билан учта расм қабул қилинади (изоҳи билан бўлиши мумкин). Танлов муҳлати рабиул аввалнинг 15-кунигача (15.12.2015 охирги кун). Танлов ғолиби адолатли аниқланиши мақсадида ижод намуналарини админга юбориш қоидасини киритдик. Демак, иштирокчилар истаган админ билан истаган усулда боғланиб ўз ишларини етказиши мумкин. Админлар эса уларнинг исмини ёзмай, рақамлаб, эълон қиладилар. Ғолиб аниқлангач, муаллифлар эълон қилинади. Танлов ғолиб ва ғолибалари сўровнома орқали форум аъзоларининг фикри билан аниқланади ва муносиб тақдирланади. Форум муслималарини танловда ғайрат билан фаол иштирок этишга чақириб қоламиз.

Аллоҳ таоло мазкур танловни барчамизга манфаатли қилсин!

muslimaat.uz forum

Мавзуга оид мақолалар
Шакирийя таоми Ассалому алайкум Ошхонамизга хуш келибсиз Бугун сизлар билан Шомнинг машҳур таомларидан давоми...

21:50 / 17.03.2017 4907
1. Ният Каъба томонга юзланиб «Холис Аллоҳ учун фалон намозининг икки уч, тўрт ракаат фарзини суннатини давоми...

06:01 / 30.12.2016 23983
embedhttpswww.youtube.comwatchvUy7HOoayBcembed Ассалому алайкум Бугун сизлар билан янгича ток дўлмасини тайёрлаймиз. Керакли давоми...

19:07 / 21.03.2017 78701
Абу Саъид Худрий розияллоҳу анҳудан ривоят қилинади.Расулуллоҳ соллаллоҳу алайҳи васаллам учган идишдан давоми...

22:32 / 16.02.2023 3060