Бананли нон
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Каттаю кичик бананли нонни бой таъми ва иштаҳани қўзғатадиган ҳиди туфайли яхши кўришади. Бу жуда оддий егулик бўлиб, у осон ҳазм бўлади, шунинг учун уни барча, ҳатто аллергиклар ҳам истеъмол қилса бўлади. Яна бир энг муҳим жиҳати эса уни тайёрлашда ишлатиладиган барча маҳсулотларимиз табиий тоза маҳсулотлардир. Бундай нонни тоза «тандир»дан чиққанида, иссиққина ҳолида, бир қошиқча мураббо устига суртиб еса жуда ажойиб-да. Воҳ, нақадар мазали-а!

Бананли нонни тайёрлаш учун бизга керак бўладиган маҳсулотлар:

1,5 стакан йирик тортилган ун

1 чой қошиқ истеъмол содаси

1/2 чой қошиқ денгиз тузи

4-5 та пишиб тобидан ўтган банан

3/4 чашка жигар-ранг шакар

100 мл зайтун мойи

Бир чимдим ванил экстракти

1/2 стакан ёнғоқ (майдаланган)

 Топпинг:

1/4 чашка жигар-ранг шакар

1/2 чой қошиқ долчин(корица)

1/4 стакан ёнғоқ (майдаланган)

Топпинг учун керак бўлган барча маҳсулотларни аралаштирамиз.

 Тайёрлаш жараёни:

Духовка 220 градусгача исигунча биз банан билан шуғулланамиз.

Барча қуруқ маҳсулотларимизни аралаштирамиз ва бир чеккага қўйиб турамиз. Сўнг ўртача тезликда зайтун мойи билан ванилин экстрактини миксер билан аралаштирамиз. Секин-аста бироздан қуюқ аралашмани қуруқ маҳсулотларимиз аралашмасига қўшамиз, аммо маҳсулотларни миксер билан аралаштиришни тўхтатмаймиз. Сўнг бананларни соламиз.

Энди эса ёнғоқларни қўшамиз. Бунда хоҳлаган ёнғоқ турини танлашингиз мумкин ёки умуман ёнғоқ қўшмаслигингиз мумкин.

Энди хамиримизни ўсимлик мойи суртилган ва ун сепилган қолипга соламиз. Устидан тайёрлаб қўйган топпингни сепамиз ва духовкага 1 соатга қўямиз. Нонимизнинг тайёр бўлганлигини гугурт чўпчаси ёки пичоқ учи билан кўрамиз: агар сизда гугурт чўпи нон ичидан қуруқ чиқса, демак нон тайёр деяверинг, акс ҳолда уни яна 10-15 дақиқага етилгунича қизиган духовкага қўйиб туринг.

www.uz.islambio.com

Мавзуга оид мақолалар
Ўрта аср табиблари тумовни бир нечта турларга эга бўлган ўзига хос касаллик эканини таъкидлайдилар. Абу Бакр арРозий 865926 тумовнинг давоси ҳақида гапириб, давоми...

22:31 / 04.12.2016 1808
Муфассир Шайх Шинқитий раҳимаҳуллоҳнинг шундай сўзлари ворид бўлган Набий соллаллоҳу алайҳи васалламга салавот айтиш кишининг ўз отасига қилган давоми...

11:00 / 19.09.2019 341
httpswww.youtube.comwatchv1uyLrQwQC0Yampfeatureyoutu.be

01:10 / 18.12.2018 385
2019 йил ноябрь ойида «Ҳилол нашр» матбаанашриёти томонидан Ўзбекистон мусулмонлар идораси ҳамда Хадичаи кубро ўрта махсус ислом билим юрти билан ҳамкорликда давоми...

10:07 / 31.12.2019 718