Тандир варақи сомса
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Сомсанинг ушбу тури шаҳар аҳолиси ўртасида анча қадимдан келиб чиққан бўлиши керак. Чунки ҳафсала билан бемалолчиликда тайёрлашни тақозо қилиши ва тузилиши ҳам чиройли – тўрт шаклда, хўрандага эстетик завқ берадиган қилиб ясалиши каби омиллар, бунга ишора қилади.Тандир варақи сомсаси тўй, байрам ва катта меҳмондорчилик издиҳомларида асосий маза ҳисобланади.

Оддий хамир тайёрлайсиз, ўраб 10 – 12 минут тиндириб олгач, ўқлов ёрдамида 1 — 2 мм қилиб ёясиз. Ёйманинг юзига эритилган мол ёғи суркасангиз, у дарҳол тўнглайди. Ана шундай ёймани рулон қилиб ўрайсиз, ёғ томони ичида қолади.

Рулондан эни 5 см келадиган тўгаракчалар кесасиз. Ҳар бир тўгаракчани бармоқ билан текислаб, жува ёрдамида 2 – 3 мм келадиган қилиб ёйсангиз, қатлама жилд ҳосил бўлади. Жилдлар ўртасига 1 ош қошиғида қийма солиб, хоҳ юмалоқ, хоҳ учбурчак, хоҳ тўртбурчак, хоҳ квадрат шаклида бўлган сомсалар тугасиз. Тўгарак ёйма ана шу хил шаклида сомса тугиш учун энг қулай ҳисобланади. Сомсаларни тандирга ёпиб ёки патниси ёғланган духовкага қўйиб, пиширасиз. Дастурхонга ликопчаларда тортилади. Ушбу сомсани иссиғида ҳам, совиганда ҳам эмас, илиғида истеъмол этиш лаззатли бўлади.

Масаллиқ: хамири учун 500 гр оқ ун, 1 стакан сув, 1 чой қошиғида туз, 50 гр мол ёғи (ёймага суртиш учун); қиймаси учун 400 гр гўшт, 50 гр думба (чарви) ёғ, 300 гр пиёз, 1 чой қошиғида туз ва мурч керак бўлади

Мавзуга оид мақолалар
Аллоҳ таоло «Ёмонликларни қилиб юриб, бирларига ўлим етганда, энди тавба қилдим, деганларга ва кофир ҳолларида ўлганларга тавба йўқ. Ана ўшаларга аламли давоми...

23:05 / 12.11.2016 1794
Баъзида ўзимиз сезмаган ҳолатда вақтимизни беҳуда сарфлаймиз. Бир ишни бошлаб қўйиб, иккинчисига сакраб ўтамиз ва ҳеч қайси ишни бажаришга улгурмай қолганимизни давоми...

02:35 / 20.11.2014 2951
Таҳорат луғатда покликдир. Поклик бу, инсон табиатан рағбат қиладиган, ўзи ва бошқаларни ҳам шундай бўлишини яхши кўрадиган фитратдир.  Ислом дини инсонларни давоми...

00:18 / 29.11.2016 5796
«Қуръон ўқинглар, зеро у қиёмат куни ўз соҳибига шафоатчи бўлади». Муслим ривояти 2012 йил 19 сентябрь куни Ўзбекистон мусулмонлари идораси ташаббуси билан давоми...

08:52 / 30.11.2016 1425