Москвада «Ислом стили» халқаро фестивали бўлиб ўтди
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

15 июнь куни Москвадаги Бутун Россия кўргазмалар марказида «Ислом стили» халқаро фестивали бўлиб ўтди. Ушбу тадбир, одатда, Москва халқаро Moscow Halal Expo кўргазмаси доирасида ўтказилади.
Фестиваль мақсади – жамоатчилик эътиборини кийинишда Ислом маданияти ва стили дунёсига жалб қилиш, ҳамда россиялик исломий кийимлар модельерлари ва ишлаб чиқарувчиларини қўллаб-қувватлаш. «Ислом стили» фестивалини тўлақонли мусулмон аёллари учун «Йилнинг энг муҳим тадбирларидан бири» деб атаса бўлади», дейди фестиваль раҳбари Ойгул Шовалиева. «Бу тадбир модалар намойиши шаклида ўтказилди ва унда ҳам опа-сингилларимиз муҳаббатини қозонган модельерларнинг янги тўпламлари ҳам, ёш дизайнерлар ижодлари ҳам намойиш этилди. Биз фестиваль меҳмонлар ёдида қолиши учун барча имкониятларимизни сарфладик, ҳамда Ислом стили – бу, нафақат диндорлик кўрсаткичи, балки бу аёлларнинг ҳаёси ва ўзига хослигини ифода эта оладиган чиройли кийим эканлигини намоён этдик». Фестивалда иштирок этишнинг асосий шарти ― кийимларнинг Ислом нормаларига мувофиқлигидир. Меҳмонлар Rezeda Suleyman, Bella Kareema, IRADA, Rimma Allyamova, PLUM ва бошқа модалар уйларининг янги тўпламлари билан танишдилар. Нуфузли мода тарихчиларининг ишонч билан қилаётган таъкидларича, бир неча йилдан кейин Жаҳон fashion индустрияси мусулмон мамлакатларидан илҳом олади. Yves Saint Laurent, Jean Paul Gaultier, Dolce & Gabbana каби жаҳоннинг тан олинган модалар уйлари эса бугунги кунда ҳам ўз тўпламларида исломий стил элементларидан фойдаланяптилар. Бироқ Россияда сўнгги йилда мактабларда ҳижоб кийиш билан боғлиқ ахборот шов-шувлари, умуман. жамиятда мусулмон маданияти ва Ислом одатлари тушунчалари паст даражада ва хусусан, ҳижобнинг моҳияти ҳақида тушунча йўқ эканлигини намоён этди. «Ислом стили» фестивалининг мақсади ― жамоатчилик эътиборини кийинишда Ислом маданияти ва стили дунёсига жалб қилиш.
«islam.ru» сайтидан олинди.
Мавзуга оид мақолалар
Улуғбек жаҳонгир Темурнинг Ироқ ва Озарбайжонга қилган ҳарбий юриши вақтида 1394 йил 22 мартда Эроннинг ғарбидаги Султония шаҳрида туғилади. Темурнинг хоҳиши билан давоми...

22:07 / 12.12.2016 1621
Аввалги ҳадис ва ривоятларда отаонага уларнинг ҳаётлик даврларида яхшилик қилиш ҳақидаги таълимотлар ўрганилган эди. Ушбу ҳадисда эса улар вафот этиб кетгандан давоми...

10:48 / 12.11.2016 2768
Истиқлол шарофати билан юртимизда диний ва миллий қадриятларимиз тикланди. Диёримизда мусулмонларнинг азалий орзуси амалга оша бошлади. Бунга яққол мисол қилиб давоми...

00:25 / 11.02.2018 726
Пайғамбаримиз соллаллоҳу алайҳи васаллам аёлларни мўътадил равишда зийнатланиб, атирупалар билан лозим топилган жойларда хушбўйлашиб юришга тарғиб қилганлар. давоми...

03:25 / 15.11.2016 5475