Барозиқ ширинлиги
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

[embed]https://www.youtube.com/watch?v=aO7ya3JNmBc[/embed]

Барозиқ ширинлиги

Ассалому алайкум!

Сизлар билан яна учрашганимиздан хурсандмиз.

Бугун барозиқ ширинлигини тайёрлаймиз.

Масаллиқлар:

3 стакан ун

0/5 стакан шакар

1 стакан сув

1 стакан эритилган сарёғ

1 дона тухум

7 ош қошиқ қиём

2 стакан кунжут

1 чимдим туз

1 чой қошиқ ваниллин

1 чой қошиқ қабартма туз

Аввал тухум билан шакарни яхшилаб аралаштирамиз. Шакардан икки қошиқчасини олиб қўямиз. Қиёмнинг ярмини солиб, қолганини кунжутга аралаштириш учун қолдирамиз. Сўнг ванилин соламиз. Энди (разрыхлитель яъни) қабартма тузни соламиз. Аралаштиришни давом эттирамиз.

Шакар эригач, сариёғ солинади. Барча масаллиқларни яхшилаб аралаштирамиз. Бир чимдим туз солиб, устидан бир стакан сув қуйиб, яна аралаштирамиз. Энди уннинг ичини чуқурча қиламиз-­да, аралашмани қуямиз. Қўл билан тезкор доира шаклида ҳаракат қилиб хамир қорилади. Хамиримиз бир оз юмшоқ бўлиши керак. Тайёр хамир озгина тинганидан сўнг бир соатга музлатгичга солиб қўямиз.

Олиб қўйган шакаримизга озгина сув аралаштириб, кунжутга соламиз. Қиёмни қўшиб секин-­секин аралаштиришда давом этамиз. Тайёр кунжутли аралашмани печеньелар устини безашда қўллаймиз. Музлатгичдаги хамирни олиб, уни мана бу шаклда кесиб чиқамиз. Ҳамма ўз хоҳишига кўра катта ёки кичикроқ зувалачалар ясаши мумкин. Зувалачамизнинг бир томонини хандон пистага ботириб оламиз. Мабодо сизда писта бўлмаса, тўғридан-­тўғри кунжутга ботириб олишингиз мумкин. Демак, пистага бир ёғини ботириб олдик, энди эса иккинчи томонини кунжутга ботирамиз. Сўнг кафтимиз ёрдамида салгина кенгайтириш учун печеньеларни ёйиб чиқамиз. Қизиган иссиқпечда 150 даража ҳароратда 10-­15 дақиқа мобайнида пиширамиз. 

Мана барозиқ ширинлиги ҳам тайёр.

Сизларга ушбу ширинлик манзур бўлади, деган умиддамиз.

Ёқимли иштаҳа!

Мавзуга оид мақолалар
   Файзли кунлар шукуҳи яқинлашгани сайин бу улуғ кунларни ўзига муносиб тарзда кутиб олиш масъулияти ҳис қилинади. Йилнома варақлари кун сайин камайиб, яна бир давоми...

10:34 / 11.03.2017 2235
Муҳтарама опасингиллар, камина бугун сизларга муслима аёлни жаннатга элтувчи бир амал ҳақида дилдан мактуб битмоқчиман. Бу амал «эрга итоат» деб аталади. Муборак давоми...

10:00 / 29.11.2019 484
Кўк пиёз инсон организми учун йил давомида зарур бўлган сабзавот ҳисобланади. Айниқса, эрта баҳорда инсон организми унинг таркибида бўлган микроэлементлар ва давоми...

00:39 / 24.11.2016 1616
Савол Пайғамбар соллаллоҳу алайҳи васалламни тушда қандай кўриш мумкин Жавоб Бисмиллаҳир роҳманир роҳим Пайғамбар соллаллоҳу алайҳи васалламни тушда кўриш давоми...

09:42 / 20.01.2017 4246