Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Савол: Қайси нарсалар таҳоратни кетказади?

Жавоб: Икки йўлдан чиққан барча нарса, хоҳ у сийдик бўлсин, хоҳ қурт бўлсин, хоҳ тош бўлсин – барчаси таҳоратни кетказади.

لِأَنَّ كُلَّ مَا خَرَجَ مِنْ السَّبِيلَيْنِ يَنْقُضُ الْوُضُوءَ

«Икки йўлдан чиққан ҳар бир нарса, таҳоратни синдиради» «(ал-Жавҳарун наййира»).

САВОЛ: Тирноқ олиш, сут эмизиш, ёш оқиши, терлаш билан таҳорат синадими?

ЖАВОБ: Буларнинг бирортаси ҳам нажосат бўлмагани туфайли таҳоратни синдирмайди.

САВОЛ: Кийимсиз ялонғоч ҳолда қучоқлашиш натижасида таҳорат синадими?

ЖАВОБ: Кийимсиз яланғоч ҳолда қучоқлашиш натижасида аёл кишининг таҳорати кетади. Эркак киши таҳоратининг синиши учун эса жинсий аъзоси қўзғалган ҳолатда аёл кишининг жинсий аъзосига теккан бўлиши керак. Қўзғалмай текса, аёлнинг таҳорати синади, эркакнинг таҳорати синмайди.

muslimaat.uz