Барозиқ ширинлиги
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

[embed]https://www.youtube.com/watch?v=aO7ya3JNmBc[/embed]

Барозиқ ширинлиги

Ассалому алайкум!

Сизлар билан яна учрашганимиздан хурсандмиз.

Бугун барозиқ ширинлигини тайёрлаймиз.

Масаллиқлар:

3 стакан ун

0/5 стакан шакар

1 стакан сув

1 стакан эритилган сарёғ

1 дона тухум

7 ош қошиқ қиём

2 стакан кунжут

1 чимдим туз

1 чой қошиқ ваниллин

1 чой қошиқ қабартма туз

Аввал тухум билан шакарни яхшилаб аралаштирамиз. Шакардан икки қошиқчасини олиб қўямиз. Қиёмнинг ярмини солиб, қолганини кунжутга аралаштириш учун қолдирамиз. Сўнг ванилин соламиз. Энди (разрыхлитель яъни) қабартма тузни соламиз. Аралаштиришни давом эттирамиз.

Шакар эригач, сариёғ солинади. Барча масаллиқларни яхшилаб аралаштирамиз. Бир чимдим туз солиб, устидан бир стакан сув қуйиб, яна аралаштирамиз. Энди уннинг ичини чуқурча қиламиз-­да, аралашмани қуямиз. Қўл билан тезкор доира шаклида ҳаракат қилиб хамир қорилади. Хамиримиз бир оз юмшоқ бўлиши керак. Тайёр хамир озгина тинганидан сўнг бир соатга музлатгичга солиб қўямиз.

Олиб қўйган шакаримизга озгина сув аралаштириб, кунжутга соламиз. Қиёмни қўшиб секин-­секин аралаштиришда давом этамиз. Тайёр кунжутли аралашмани печеньелар устини безашда қўллаймиз. Музлатгичдаги хамирни олиб, уни мана бу шаклда кесиб чиқамиз. Ҳамма ўз хоҳишига кўра катта ёки кичикроқ зувалачалар ясаши мумкин. Зувалачамизнинг бир томонини хандон пистага ботириб оламиз. Мабодо сизда писта бўлмаса, тўғридан-­тўғри кунжутга ботириб олишингиз мумкин. Демак, пистага бир ёғини ботириб олдик, энди эса иккинчи томонини кунжутга ботирамиз. Сўнг кафтимиз ёрдамида салгина кенгайтириш учун печеньеларни ёйиб чиқамиз. Қизиган иссиқпечда 150 даража ҳароратда 10-­15 дақиқа мобайнида пиширамиз. 

Мана барозиқ ширинлиги ҳам тайёр.

Сизларга ушбу ширинлик манзур бўлади, деган умиддамиз.

Ёқимли иштаҳа!

Мавзуга оид мақолалар
Йигирма тўртинчи кун... Ассалому алайкум. Бугун йигирма тўртинчи кун. Кеча дадам ўз хоналарида ўтирган давоми...

21:21 / 19.06.2017 6336
Қизил Нерв тизимини  ҳаяжонлантиради, асабийлаштиради. Организмнинг барча тизимлари ишини, юрак уриши, давоми...

21:26 / 02.02.2017 15573
embedhttpswww.youtube.comwatchvxQM4vbr7Vwfeatureyoutu.beembed

13:23 / 01.07.2017 4204
Ассалому алайкум азиз сайтимизнинг фойдаланувчилари Ҳукмингизга ислом шариатини янги ўрганаётганлар учун давоми...

13:26 / 19.04.2017 5518