Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

41

عَنْ أَبِي هُرَيْرَةَ رَضِيَ اللَّهُ عَنْهُ، قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «إِنَّ اللَّهَ جَعَلَ الْبَرَكَةَ فِي السَّحُورِ وَالْخَيْلِ».

حسن.

  Қирқ биринчи ҳадис:

Абу Ҳурайра разияллоҳу анҳудан ривоят қилинади:

«Расулуллоҳ соллаллоҳу алайҳи ва саллам: «Албатта, Аллоҳ баракани саҳарлик ва отга қўйган», дедилар».

Ҳасан ҳадис.

Изоҳ: Яъни саҳарлик қилган ва от минган киши ундан барака топади. Барака деганда манфаатнинг унумли ва давомли бўлиши тушунилади.

42

عَنْ أَبِي حَازِمٍ مَوْلَيالأَنْصَارِ، «أَنَّ جُزْءًا مِنْ سَبْعِينَ جُزْءًا مِنَ النُّبُوَّةِ تَأْخِيرُ السَّحُورِ، وَتَبْكِيرُ الإِفْطَارِ وَإِشَارَةُ الرَّجُلِ بِأُصْبُعِهِ فِي الصَّلاةِ».

إسناده ضعيف.

Қирқ иккинчи ҳадис:

Ансорлар мавлоси Абу Ҳозимдан ривоят қилинади:

«Пайғамбарликнинг етмиш бўлагидан бир бўлаги саҳарликни кечиктириш, ифторни эрталаштириш ва кишининг намозда бармоқ билан ишора қилишидир».

Санади заиф.