Саудия электроника университетининг илк раҳбар аёли
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Саудия таълим вазири доктор Ҳамад ибн Муҳаммад Ал-Ашайх яқинда янги тайинловни эълон қилди:  доктор Лилак Ал-Сафади Саудия электроника университетининг раҳбари этиб тайинланди. У Саудиядаги ўғил ва қиз талабалар таҳсил олувчи университетнинг илк аёл раҳбари сифатида ўз фаолиятини бошлади.

У йигирма йилдан ортиқ вақт давомида бизнесни ривожлантириш, бизнес консалтинг ва стратегик лидерлик бўйича ижрочи директор бўлиб ишлаган. Шунингдек, у лойиҳаларни бошқариш йўналишида ҳам  катта тажриба орттирган.

Доктор Лилак Ал-Сафади электрон тижорат ҳамда сунъий ва тижорат интеллекти каби мавзуларда элликдан ортиқ илмий мақолаларни нашр қилган. У “Ма́йкрософт” компаниясининг миллий технологиялар бўйича   вице-президенти ва ходимаси бўлиб ишлаган ҳамда Ар-Риёдда Саудия қиролининг университетида таълим берган.

Шунингдек, у ўрта ва кичик бизнесни ривожлантириш бош бошқармасида маслаҳатчи, Саудия Электроника университетида режалаштириш, сифат ва ривожлантириш бўйича вице-президенти маслаҳатчиси каби лавозимларда ҳам ишлаган.

Доктор Лилак Ал-Сафади 2002 йили Австралиянинг Вуллонгонг университетида  информатика йўналишида докторлик ишини ёқлаган. У 1995 йили дастурий инжиниринг  ва информатика йўналишлари бўйича магистрлик даражасини олган эди.

Доктор Лилак “Ал-Ахбория” каналига телефон орқали берган суҳбатида бу лавозимга тайинланиши аёлларнинг  нафақат  ҳуқуқ ва имкониятларининг кенгайишига, балки уларнинг ижтимоий ҳаётда фаолияти ҳам кенгайишига  таъсир кўрсатаётганини таъкидлади.

Манба: Arab News

Мавзуга оид мақолалар
Муслимаат.уз, Муаллим медиа ва барча каналларимизда Туркиядаги мусибат муносабати билан мотам эълон давоми...

16:58 / 07.02.2023 2205
Халқаро Олимпия ўйинларига одатда турли дин ва миллатларга мансуб кўплаб ўйинчилар ташриф буюришади.Бир давоми...

00:26 / 14.02.2020 3666
Муҳтарама опасингиллар Мавлид ойи муносабати билан каналимизда ўтказилган quotСийрат ndash энг гўзал ҳаёт давоми...

01:02 / 30.09.2023 2335
Sputniknewsuz.com хабар беришича, Буюк Британияда истиқомат қилувчи юртдошимиз Гули Шайх хоним Гули Мурадова давоми...

23:45 / 05.05.2020 6085