Россия олийгоҳларида ислом ўгатилади
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Қадимий ва классик шарқ иқтисодиёти олий мактаби институти "Россияда Мусулмон олами" деб номланган магистратура дастурига биринчи талабаларни қабул қилиши тўғрисида хабар берди.

Ушбу янги дастурда талабалар Россия империяси, СССР ва ҳозирги Россиядаги мусулмонлар ҳаётини ўрганадилар. Биринчи гуруҳга йигирма киши қабул қилинади. Улардан ўн бештаси Иқтисодиёт Олий мактаби ҳисобидан, бештаси эса шартнома асосида ўқиш имкониятига эга бўладилар.

Янги магистрлик дастурининг ўзига хос хусусияти шундаки, унда асосан гуманитар фанлар, ислом тарихи ва исломшунослик таълими, шунингдек, Россия таркибидаги мусулмон жамиятлари ҳақида таълим берилади. Талабалар бу ерда араб, форс, турк, татар тилларини чуқур ўрганиш имкониятига эга бўладилар.

Магистрлик дастурини тугатган талабалар жамиятнинг турли ижтимоий соҳаларида билимларини қўллаш ҳамда касбий даражаларини ошириш имконига эга бўладилар. Бу таълим ва илмий тадқиқот, давлат ва хусусий ташкилотларда эксперт ва маслаҳатчи сифатида ишлаш имкони деганидир. Ҳозирда бундай юқори даражадаги мутахассисларга оммавий ахборот воситалари, нашриётлар, маданий-маърифий муассасаларда эҳтиёж бор.

Дастур илмий раҳбари Ольга Бессмертная шундай дейди: "Ислом доимо изланишлар маркази бўлган. Aйниқса Исломнинг глобал дунёга қандай мослашиши муҳимдир".


Манба: islamisemya.com

Нилуфар Aлишеровна таржимаси

Мавзуга оид мақолалар
Дунё бўйлаб тарқалган пандемия сабабли Буюк Британияда ҳам масжидлар ҳамон ёпиқ. Муборак Рамазон ойида масжидда адо этиладиган ибодатларни интизорлик билан давоми...

14:02 / 25 апрель 595
Сингапурлик талабанинг ташаббусиҲар йили Сингапур масжидларида Рамазон ойида кам таъминланган оилаларга бепул саҳарлик ва ифторлик тарқатилар эди. Бироқ бу йил давоми...

12:31 / 04 май 727
«30 кун ҳижобда» бу йилги Рамазон ойида айни мана шу ном остидаги акция ўз ҳаракатини давом эттиряпти. Муслималарни қўллабқувватлаш ҳамда жамиятдаги исломофобик давоми...

03:12 / 14.06.2018 932
Туркиянинг Диёрбакр вилоятида истиқомат қилувчи Ражаб Чинор Қуръони Каримни ўзига хос усулда ўрганиб, ёд олди. У 1,5 йил олдин масжидга фаррош бўлиб ишга кириб, у давоми...

17:22 / 30 март 980