Коми Республикасида мусулмонлар учун йўл ҳаракати қоидалари яратилди
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Коми Республикасида мусулмонлар учун

йўл ҳаракати қоидалари яратилди

Россия Федерациясига қарашли Коми Республикаси Мусулмонлар диний бошқармасида йўл ҳаракати қоидалари Ислом қонунлари, яъни шариат асосида тушунтирилган махсус рисола тайёрланди. Ҳайдовчилар учун эслатма ҳисобланган ушбу рисола муаллифлари ўз олдиларига ҳайдовчиларга онгли равишда жавобгарликни, аввало Аллоҳ таоло ҳузуридаги жавобгарликни эслатишни мақсад қилиб қўйганлар.

Энди ҳар бир мусулмон машина рўлига ўтиришдан аввал рисоладаги Қуръони Каримдан танлаб олинган оятларни ўқиб чиқади ва янада масъулиятли бўлиб, йўл қоидаларига қатъий риоя қилган ҳолда ҳаракатланади. Aхир кўпчиликнинг хавфсизлиги шунга боғлиқ. Бу ишлар Қуръон Каримда баён этилган амрларга юзаки қарамасдан, моҳиятини англаган ҳолда амал қилишга тарғиб қилиш учун амалга оширилди.

"Биз йўлларимизда транспорт хавфсиз бўлиши учун ўз ҳиссамизни қўша олаётганимиздан хурсандмиз", деди Коми республикаси мусулмонлари диний бошқармаси раиси Валиаҳмад Гаязов.

Рисолада йўлга чиқишдан олдин ҳар бир ҳайдовчи машинанинг техник томондан соз эканлигига ишонч ҳосил қилиши кераклиги таъкидланади, чунки "Машина ҳайдашга тайёр бўлмаган одамга ҳайдовчилик тақиқлангани каби, йўлга тайёрланмаган машинани ҳам ҳайдаб бўлмайди".

Ҳайдовчи тетик, хотиржам ва сабрли бўлиши керак. Ҳадиси шарифда: "Шошмаслик Аллоҳдандир ва шошқалоқлик шайтондандир", дейилган. "Ҳайдовчилар учун қўлланма" йўл фойдаланувчиларига хавф туғдирмаслик учун турли вазиятларда қандай ҳаракат қилишни батафсил тавсифлайди.

islamisemya.com

Мавзуга оид мақолалар
Келиб чиқиши сомалилик бўлган Лайло Али Элми швед ҳукумати тарихидаги илк ўранган муслима аёл бўлди. Лайло Швецияга икки ёшида кўчиб келган. Ҳозир у давоми...

01:02 / 27.03.2019 836
.Ниса, гўзаллик марказида аёллар ўз ташқи кўринишлари ва саломатликлари борасида парваришлаш муолажаларини қабул қилишлари, шунингдек, жисмонан ва руҳан дам давоми...

15:41 / 17.09.2020 878
Англиянинг Манчестер шаҳрида жойлашган мусулмон қизлар учун мўлжалланган, диний ва дунёвий таълим берувчи Manchester Islamic High school for girls лицейининг ўқувчилари ва давоми...

14:27 / 05.06.2020 929
Американинг йирик шаҳарларидан бирида расмийлар кўплаб мусулмонларнинг истакларини ўрганиб чиқиб, расмий равишда иккита йирик исломий байрамни дам олиш куни давоми...

14:02 / 17 январь 465