Фарзандларимизда Набий соллаллоҳу алайҳи васалламга бўлган муҳаббатни уйғотамиз
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

 Набий соллаллоҳу алайҳи васалламга бўлган муҳаббатни уйғотишда бир нечта усуллар мавжуд:

― ота-оналар  болаларига кичкина саҳобаларнинг Расулуллоҳ соллаллоҳу алайҳи васалламга бўлган аҳдлари, у Зот чақирсалар дарҳол жавоб беришларини, буюрган ишларини бажаришлари, Набий соллаллоҳу алайҳи васаллам нимани яхши кўрсалар,  шуни яхши кўришлари ва набавий ҳадисларни ёдлаб, уни етказганлари ҳақида сўзлаб беринг.

― ҳадислардан кучлари етгунча ёдлатишга ҳаракат қилинг. Ёдланган ҳар бир ҳадис учун мукофотланг.

Забирий ривоят қилишича, Анас ибн Моликнинг фарзанди илм ўрганаётганида, у киши эшикнинг орқасида тураркан. Агар хато қилса, эшикни тақиллатар, уни тушунган ўғли бошқатдан қайтарар экан.

Хорис ибн Надр деди: «Адҳам ибн Иброҳимни шундай деганини эшитганман: «Отам менга, эй болам, ҳадисни ёдла, дерди. Ёдлаганимни эшитганидан кейин менга дирҳам берарди. Шунинг учун ҳадисни ёдлардим.

― Набий соллаллоҳу алайҳи васалламнинг сийратлари, ғазотлари, саҳобаларнинг ҳаёти ҳақида уларнинг ақллари етадиганларини уларга шарҳлаб берингки, уларга бўлган муҳаббати ошсин, босиб ўтган йўлларидан таъсирлансин ва уларнинг  дин ривожига ёрдам берганларини,  амаллари ва иймонларида собит турганларини англаб руҳланишсин.

Болаларингизга саҳобаларнинг ва салафларнинг Набий соллаллоҳу алайҳи васалламнинг сийратларини ўрганишга бўлган кучли қизиқишларини, ҳаттоки Қуръони Карим билан бирга ўргатганлари ҳақида болаларга тушунтириб, сўзлаб беринг. Чунки ҳадислар Қуръон маъноларининг таржимасидир. Исломни воқеъликдаги кўринишидир. Булар ҳақида эшитиш нафсда ажиб таъсир кучига эга.

 Шунингдек,  ота-оналар Набий соллаллоҳу алайҳи васалламнинг болалик ҳаётларини, Ҳалимаи Саъдия  билан кечирган ҳаётларини, Ҳалиманинг уйидаги барака ва яхшилик Расулуллоҳ соллаллоҳу алайҳи васалламнинг сабабларидан бўлганлиги, ҳижрат ҳақида, Аллоҳ таоло мушрикларнинг кўзларини парда билан тўсгани ҳақида, у Зотга шерик бўлганларни раббоний иноят сийлагани ҳақида сўзлаб бериш лозим.

― болаларнинг қалбини Аллоҳ таолонинг ва Расулуллоҳ соллаллоҳу алайҳи васалламнинг муҳаббатлари билан тўлдириш лозим.

 Али розияллоҳу анҳудан ривоят қилинади:

Набий соллаллоҳу алайҳи васаллам: «Болаларингизни уч хислат ила тарбияланглар: Пайғамбарларингизга муҳаббат, аҳли байтга муҳаббат ва Қуръонга муҳаббат ила тарбияланглар. Қуръонни ёдлаган  Аллоҳнинг соясидан бошқа соя йўқ  Кунда набийлар ва анбиёлар билан бирга бўлади», дедилар.

― ҳар куни болаларига  сийрат дарсларини уюштириш мақтанилган амаллардан ҳисобланади. Шундай дарсларда болаларнинг ёшлари ва ақлий салоҳиятларига хос ва мос мавзулар танлаш лозим.

Назокат тайёрлади.

Мавзуга оид мақолалар
Банда бир неъматга шукр қилишлиги учун Аллоҳга ҳамд айтиб, ўша неъматдан Аллоҳ таолонинг ризолиги йўлида фойдаланмоғи лозим бўлади. Шу билан бирга, баъзи давоми...

10:26 / 19.01.2017 3072
Исломда фарзандларнинг ҳуқуқлари риоя қилинган бўлиб, булар уларнинг отаоналари ёки яқин қариндошлари, яшаётган жамиятларига вазифа қилиб юклатилгандир. Бу давоми...

09:19 / 09.03.2017 3927
Анас розияллоҳу анҳудан ривоят қилинади Расулуллоҳ соллаллоҳу алайҳи васаллам «Ҳар бир диннинг хулқи бўлади. Исломнинг хулқи  ҳаёдир», дедилар. Ибн Можа ривоят давоми...

19:30 / 28.12.2016 1252
embedhttpswww.youtube.comwatchvNZr8zPQEkqoembed Кеча Денгиз масжидида ўтган дарсда айтган эдим. Қалбларни титратадиган, яъни Аллоҳга иймон келтирган ҳар бир кишининг, қалбида зарра давоми...

04:39 / 25.03.2019 1456