Қийротларни бой бериб қўйманг!
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Навбатдаги намоз. Ҳар доимгидек масжидга кирувчиларга, Аллоҳнинг амрига “Лаббай!” деб жавоб бераётганларга ҳавас билан қараб тургандим. Шу пайт масжидга бир эмас, икки маййитни олиб келишди. Тобутларнинг кўринишидан бири аёл, бири эркак киши экани маълум эди. Кейин эшитдимки, бу икки марҳум бир оиладан бўлиб, она ва бола экан. Жамоат жуда катта, икки тобут худди кишиларнинг елкасида оқиб келарди. Улар масжидга кириб кетишди.

Инсоннинг улуғлиги, умрининг охирида уни эъзозлаб кўтариб, Роббисининг қошига боришини таъминлаётган бандаларни кўриб хурсанд бўласан киши.

Тўсатдан масжид ичидан бир неча киши қайтиб чиқди. Улар дарвозанинг ташқарисида бир тўп ҳосил қилишди ва суҳбатга берилишди. Кўзларимга ишонмадим. Ахир ҳали жаноза намози ўқилмаганди. Хаёлимга келаётган турли шубҳаларни ҳайдадим-да, қизиқиб уларни кузата бошладим. Балки кимнидир кутиб туришгандир. Эҳтимол, намоз вақтигача марҳумларнинг қандай яхши инсон бўлганларини хотирлаб туришгандир. Ўзим юқори қават деразасидан кузатиб турганим учун суҳбат нима ҳақида кетаётганини эшитолмасдим.

Бир оздан сўнг пешин намозига азон айтила бошлади. Даврадагилар шу қадар суҳбатга киришиб кетганларидан азон овозини пайқамадилар ҳам.

Шунда бир ҳадис ёдимга тушиб кетди: “Бир куни Пайғамбаримиз соллаллоҳу алайҳи васаллам: “Кимки жаноза намозида қатнашса, унга бир қийрот, агар дафн қилишда ҳам иштирок этса, икки қийрот бордир”, десалар, саҳобалар: “Қийрот нима, ё Расулуллоҳ?” деб сўрадилар. У зот соллаллоҳу алайҳи вассалам: “Икки буюк тоғ”, дея жавоб бердилар”.

Намоз тугаб, марҳумлар ҳурмат-ла сўнгги манзил томон кузатилдилар. Кишилар савобдан умидвор бўлиб, тобутни кўтариш учун олдинга интилишди. Улар орасида биз кузатган ўша суҳбатдошлар ҳам бор эди…

Азизлар, неъматларни тўлиғича қўлга киритинг. Қийротларни бой бериб қўйманг!

Адолат Ҳусанова

Мавзуга оид мақолалар
Ибн Умар розияллоҳу анҳудан ривоят Расулуллоҳ соллаллоҳу алайҳи васаллам дедилар «Инсонлар «Аллоҳдан ўзга илоҳ йўқ ва Муҳаммад Унинг Расулидир» деб гувоҳлик давоми...

10:02 / 27.10.2016 1238
Аллоҳнинг Ўзига ҳамдлар бўлсин Ортларидан Набий йўқ Зотга салавотлар бўлсин Ислом Фиқҳи Академияси Маккаи Мукаррамада, Робитанинг биносида, 1409 ҳ.с. 1320 Ражаб 1989 давоми...

23:38 / 13.11.2016 1258
«Ибодат» сўзи луғатда «тоат», «итоат» ва «Парвардигорни улуғлаш» маъноларини ўзида жам қилган. Шаръий истилоҳда бажарганлиги учун савоб бериладиган ва ният давоми...

00:25 / 03.05.2017 1260
Бир турмуш қурган аёлнинг сўзлари Турмуш ўртоғим менга зарар етказишини тўхтатиши учун унга ўша лаҳзаларда нималарни ҳис қилишимни тушунтиришга ҳаракат давоми...

11:00 / 30.07.2019 360