Muslimaat.uz сайтининг янги талқини синов режимида ишламоқда

Набий соллаллоҳу алайҳи васалламга чиройли исм ёқар эди
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Абу Ҳадрад розияллоҳу анҳудан ривоят қилинади: «Расулуллоҳ соллаллоҳу алайҳи васаллам: «Ушбу туяларимизни ким етаклаб боради?» Ёки «Ушбу туяларимизни ким (манзилга) етказади?» дедилар. Бир киши: «Мен», деди. «Исминг нима?» дедилар.

«Фалончи», деди.

«Ўтир», дедилар. Сўнг бошқа бир одам турди. «Исминг нима?» дедилар. «Фалончи», деди. «Ўтир», дедилар. Сўнг яна бошқа бир одам турди. У Зот: «Исминг нима?» дедилар. «Ножия», деди. «Улар – сеники! Етакла уларни!» дедилар». Шарҳ: Ножия ибн Жундаб Асламий розияллоҳу анҳунинг аввалги исмлари Заквон бўлган. Қурайшнинг таъқибидан қочиб нажот топганларидан кейин Расулуллоҳ соллаллоҳу алайҳи васаллам у кишига «Ножия» деган ном берганлар. Расулуллоҳ соллаллоҳу алайҳи васаллам юқоридаги карвонга сарбон бўлишни истаган икки кишининг исми яхши эмаслиги, яхшиликдан башорат маъносида эмаслиги туфайли уларга карвонни етаклашга изн бермадилар. «Ножия» деган исм эса нажот сўзидан олинган бўлиб, башорат маъносида бўлганлиги учун карвонни етаклашни, туяларга сарбонликни ўша саҳобий розияллоҳу анҳуга ишониб топширдилар. Ушбу ҳадисдан фарзандларга чиройли, гўзал, эзгу маъноларни билдирувчи исмларни қўйиш кераклигини билиб оламиз.
Мавзуга оид мақолалар
Бошни фидо айла ато қошиға Жисмни садқа қил ано бошиға... Ассалому алайкум ва раҳматуллоҳи ва барокатуҳ Сайтимизнинг муҳтарама фойдаланувчилари. Муборак давоми...

23:55 / 07.02.2017 1075
Бисмиллаҳир роҳманир роҳим Ассалому алайкум ва раҳматуллоҳи ва барокатуҳ Муҳтарама суҳбат иштирокчилари. Сиз билан суҳбатлашаётган мавзуларимизнинг узвий ва давоми...

20:17 / 08.02.2017 1094
Абу Ҳурайра розияллоҳу анҳудан ривоят Расулуллоҳ соллаллоҳу алайҳи васаллам дедилар «Кишининг ўзи учун муҳим бўлмаган нарсаларни тарк қилиши унинг Исломи давоми...

04:11 / 10.11.2016 1080
Куни кеча 2015 йилнинг 23 ноябрида Россия Президенти Владимир Путин хизмат сафари билан Эронга ташриф буюрди. У газ экспорти билан шуғулланувчи давлатлар саммитида давоми...

23:21 / 22.02.2017 1149