Рўмол ўраган аёлни «руҳоний» деса бўладими?
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Биз рўмол ўраб, юзини беркитиб юрган аёлларни «руҳонийлар» деб аташга ўрганиб қолганмиз. Эшитишимча, христианлар ҳам ўз аёлларини ёки эркакларини «руҳонийлар» деб чақиришади. Тўғри айтяпмизми ёки бошқачароқ айтиш керакми?

ЖАВОБ: Бисмиллаҳир Роҳманир Роҳим Рўмол ўраб, юзини беркитиб юрган аёлларни «руҳонийлар» дейиш ҳақида диний кўрсатмалар йўқ. Бу гапни мен биринчи бор сизнинг ушбу саволингиздан билиб турибман. Ўзи, мусулмончиликда сиз айтаётган «руҳонийлик» тушунчаси умуман йўқ. Рўмол ўрайдиган аёлни оддий равишда «рўмол ўрайдиган аёл» деб аташ мумкин. Христианлардаги сиз «руҳоний» деб атаган шахслар диний истилоҳда «роҳиб» деб аталади. Улар ўз диний таълимотлари асосида тарки дунё қилишга қарор қилган эркак ва аёллардир. Бизнинг динимизда бу каби роҳбанийлик йўқ. Набийимиз Муҳаммад алайҳиссалом: «Исломда роҳбанийлик йўқ», деганлар. Муслима аёллар ўрайдиган рўмол, диний таълимот бўйича, тарки дунё аломати ҳисобланмайди. Балки ҳар бир муслима аёл-қиз сатри аврат учун ўрайдиган, бир жиҳатдан миллийлик аломати бор бош кийим ҳисобланади. Валлоҳу аълам.

Мавзуга оид мақолалар
Бисмиллаҳир Роҳманир Роҳим          Бизларга Рамазон рўзасини фарз қилган, рўза билан тақвони зиёда қилишни давоми...

07:27 / 08.02.2017 4460
Ўғлим ҳуқуқшунослик факултетида талаба эди. Мен у билан жуда кўп тортишиб қолардим. Бирор бир кун уни давоми...

01:31 / 01.01.2023 4297
Рамазоннинг охирги ўн кунлигидамиз. Мен учун ҳозир бу ойни қандай ўтказаётганим ҳақида ўйлаб кўришнинг давоми...

07:49 / 28.05.2019 2995
httpsyoutu.bepC4PEVMMmBI

10:35 / 01.04.2019 1950