Тамакининг чекувчига ва атрофдагиларга зарари
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Тамаки чекиш энг ёмон иллатлардан бири ҳисобланади. Тамакининг тутуни нафақат чекувчини, балки атрофидагиларни ҳам заҳарлайди. Кузатишлардан маълум бўлишича, чекувчи эркакларнинг хотини чекмайдиган эркакларнинг хотинларига нисбатан 4 йил кам умр кўрар экан.

Чунки тамаки тутуни таркибида ўсма (рак) касаллигини келтириб чиқарувчи 50 дан ортиқ канцероген моддалар бор. Шунинг учун чекувчилар орасида чекмайдиганларга нисбатан ўпка ўсмаси 20 марта кўп учрайди. Чекувчилар оиласидаги болалар доимо зарарланган ҳаводан нафас олганлари сабабли, уларда нафас олиш аъзолари яллиғланиши ва аллергик касалликлар кўп учрайди. Чекувчиларда ҳар бир тамакини чекиб бўлгандан кейин 30 дақиқа давомида қон томирларининг торайиши кузатилади. Шунинг учун муттасил чекувчи одамнинг қон томирлари, деярли, доимо торайган ҳолатда бўлади. Бу эса юракнинг қонни ҳайдаш ишини кучайтиради. Юрак кучли ишлаши натижасида тез эскириб, қариб қолади. Халқаро Соғлиқни Сақлаш Ташкилотининг хабар беришича, чекиш оқибатида юзага келадиган касалликлардан ҳар йили дунёда 2,5 миллион киши ҳалок бўлади. Чекувчиларга қарата сўнгги сўзимиз Аллоҳ таолонинг «Нисо» сурасида марҳамат қилган хитобидир: «Ўзингизни ўзингиз ўлдирманг!»

Ғиёсиддин Муҳаммад Юсуф

Мавзуга оид мақолалар
Ассалому алайкум ҳурматли муслималар Ва ниҳоят, фарзандларимиз учун ўтказилган танлов ўз ниҳоясига етди. Иштирокчилар болажонлар бўлгани, ҳамма улар томонидан давоми...

02:40 / 11.02.2017 2216
     Ассалому алайкум, муҳтарам диндошларим Ҳазратимизни йўқотганимиз барчамизга оғир жудолик бўлди. Ҳали орзуларимиз бисёр эди. 10 март тун ярмида ҳазратимиздан  давоми...

09:20 / 05.02.2017 4007
Шаҳодат калимаси Маъноси Аллоҳдан ўзга илоҳ йўқлигига ҳамда Муҳаммад Аллоҳнинг бандаси ва Расули эканига гувоҳлик бераман.

01:02 / 25.04.2017 1439
Пайғамбаримиз соллаллоҳу алайҳи васалламни эмизган оналари Ҳалима Саъдиядан ривоят қилинади Мен оппоқ хачиримни миниб, баний Саъддан бўлган бир гуруҳ аёллар давоми...

09:34 / 27.02.2017 3665