Жаҳон ҳалол туризм рейтинги эълон қилинди: Ўзбекистон ИҲТ мамлакатлари йигирматалигига кирди
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.


Дунёнинг энг нуфузли ҳалол рейтингларидан бири “MasterCardCrescentRating” 2019 йилги жаҳон мусулмон сайёҳлик индекси ҳисоботини эълон қилди. Унда Ўзбекистон ўтган йилгидан 55 балл билан 22-ўринни, Ислом Ҳамкорлик Ташкилоти мамлакатлари орасида эса 18-ўринни эгаллаган. 2018 йилда бу кўрсаткич 47,7 балл билан 32-ўрин бўлган эди.

Рейтингда биринчи учликка Малайзия, Индонезия ва Туркия киритилган бўлиб, кейинги ўринларга Саудия Арабистони, БАА, Қатар, Марокаш, Баҳрайн каби мамлакатлар муносиб кўрилган.

Яна бир қувонарли жиҳати шундаки, Ўзбекистон ҳалол туризм истеъмолчиларини қабул қилувчи ИҲТ мамлакатлари орасида биринчи ўнликка кирган.

Шунингдек, рейтингда Собиқ Совет мамлакатларидан Қозоғистон 24-ўринни, Қирғизистон 29-ўринни, Тожикистон 35-ўринни, Туркманистон 51-ўринни қўлга киритган.

Жаҳон мусулмон сайёҳлик индекси (Global muslim tourism index)  таҳлиллари тўрт стратегик омилни ҳисобга олган: мамлакатга етишнинг осонлиги (виза талаблари, алоқалар, транспорт инфратузилмаси), алоқа (алоқанинг осонлиги, Интернет имкониятлари), атроф-муҳит (хавфсизлик, эътиқод бўйича чекловлар, сайёҳларнинг келиши, яхши иқлим) ва хизматлар таъминоти (бирламчи эҳтиёжлар – ҳалол таом ва ибодат жойлари, бирламчи хизматлар – меҳмонхона ҳамда аэропортлар, мамлакатнинг ўзига хосликлари).

Манба: Global Muslim Travel Index 2019 Report

Мавзуга оид мақолалар
Карам шўрвалар жуда ҳам майин ва енгил таом бўлиб, соғлом овқатланувчи ва қадди қоматига эътибор қилиб давоми...

13:45 / 25.01.2017 4043
Ёш қизларимиз ўқисинларИшхонамизга бир қиз коллежни битириб ишга келди. Одатда бунақа пайтда дарров давоми...

22:47 / 24.12.2023 3644
Ассалjму алайкум ва рfҳматуллоҳи ва барокатуҳ                 Рамазонга етказиб, бизга марҳамат кўрсатган давоми...

09:08 / 11.02.2017 4851
Хона шароитида гулларни ўстириш қачон ва қандай бошланганини айтиш қийин. Шундай бўлсада яшаш жойи ва давоми...

06:57 / 13.12.2016 58526