Икки ака-ука битта ҳовлида яшашади
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Икки ака-ука битта ҳовлида яшашади. Ҳовли бўлиб берилган. Аммо арзимас ер учун ҳозир иккисининг орасига совуқчилик тушган. Уканинг хотини сеҳр-жоду билан шуғулланади, эрини ҳам, қайнотасини ҳам сеҳрлаб олган, яъни ўқитган. Улар бир оғиз ҳам гапиришмайди. Лекин акаси бу муаммода ҳақ. Ҳамма шу томонда, фақат укаси ва отаси бунга қарши. Уйда барака, ҳаловат йўқ. Ҳар хил ташвишлар...

 Шайх ҳазратлари, бу муаммони ечишимизга ёрдам беринг.

ЖАВОБ: Бисмиллаҳир роҳманир роҳим.

Сеҳр борлиги ва унинг кишиларга таъсир қилиши – мавжуд ҳақиқат. Лекин ҳар бир нарса Аллоҳнинг иродаси билангина бўлиши ундан ҳам юқори ҳақиқат. Агар ҳар бир сеҳр таъсир қилаверса, дунёда сеҳргардан устун одам бўлмас эди. Аммо воқеъликка назар солсак, бу ҳаром ишни қиладиганлар энг пасткаш одамлар бўлади.

Сиз айтаётган одамларни мазкур хотин эмас, дунёнинг ишқи сеҳрлаб қўйганга ўхшайди. Бир қарич ерни деб, сен-менга боришни бундан бошқа нарса билан изоҳлаб бўлмайди.

Бу муаммони ҳал қилиш учун шариатга амал қилиш керак. Сеҳрни баҳона қилиб олмаслик керак. Бу ҳолатда ўз айбини хаспўшлаш учун сеҳрни баҳона қилиш яққол кўриниб турибди.

Ер талашганлар шариат ҳукмини яхши биладиган кишини ўртада ҳакам қилиб, ўша одам чиқарган ҳукмга амал қилишни сидқи дилдан қасд қилиб, масалани ўртага қўйишлари керак. Кейин ҳукмни қабул қилсинлар ва орадаги кўнгилсизликка барҳам берсинлар.

Кейин сеҳр ҳақидаги гумонларни унутиб, Аллоҳнинг барча нарсага қодирлигига иймонларини мустаҳкам қилиб, ҳалол яшашда бардавом бўлсинлар. Валлоҳу аълам.

Мавзуга оид мақолалар
Керакли махсулотлар 250г маргарин 3 пиёла ун 5 та тухум 100150 г сметана 1 пиёла шакар 1 коса ёнғоқ Тайёрланиши маргарин билан ун яхшилаб аралаштирилади, 5 давоми...

06:40 / 06.12.2016 2115
 Ҳоли кўзингни очмайдиган ва мақоли сени Аллоҳга далолат қилмайдиган кимсани соҳиб тутма Суҳбат  сўзининг маъноси бизда араб тилидаги суҳбат ўзи билан бир хил давоми...

00:14 / 23.04.2018 1924
АТАЛА ИЧГАНГА НОБЕЛЬ ёхуд ҳолвачи бола Ўн биринчи мактуб Ҳар нарсадан гўдагимнинг иси ширин Ҳидлаб, ўшал саодатдан маст бўламиз Марҳабо КАРИМОВА Ассалому давоми...

01:20 / 28.03.2017 1694
Фаришталарга ишониш иймон арконларидан бўлиб, инсон уларга иймон келтирмагунча мўмин бўлмайди. Фаришталарга иймон келтириш ақийдамиз арконларидан бири эканига давоми...

02:53 / 08.11.2016 2264