Аёллар сочларини ҳар хил соч бўёқларида, масалан «ACMA-COLOR» деганида бўясалар бўладими
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

САВОЛ: Аёллар сочларини ҳар хил соч бўёқларида, масалан «ACMA-COLOR» деганида бўясалар бўладими? Ғусл, таҳорат қилса, ўтадими?

ЖАВОБ: Бисмиллаҳир роҳманир роҳим. Сочни бўяса бўлади ва ғусл ҳамда таҳоратга зарари йўқ. Бу ҳақда муҳтарам устоз доктор Ваҳба Мустафо Зуҳайлий ўзининг «Фатавий Муосира» номли китобида қуйидагиларни ёзади:

 «Набий соллаллоҳу алайҳи васаллам оқарган соч ва соқолни бўяшни мубоҳ қилганлар. У Зотдан собит бўлган ҳадисда бу маъно бор.

Абу Ҳурайра розияллоҳу анҳудан ривоят қилинади:

«Набий соллаллоҳу алайҳи васаллам:

«Албатта, яҳудий ва насоролар бўямайдилар. Бас, уларга хилоф қилингиз», дедилар».

Бешовлари ривоят қилган.

Шофеъийлар қорага бўяшни ҳаром дейишган. Чунки Набий соллаллоҳу алайҳи васаллам Абу Бакрнинг отаси Абу Қуҳофани бундан қайтарганлар. Унинг соч-соқоли ҳақида «иккисини ўзгартиринглар, қорани четлатинглар» деганлар.

Лекин фуқаҳолар жумҳури буни Абу Қуҳофага ўхшаган ўта қари одамларга хос деганлар. Саҳоба ва тобеъинлардан бир жамоалар, Усмон, Ҳасан, Ҳусайн, Уқба ибн Омир, улардан кейин Ибн Сирин, Абу Бурда ва бошқалар қорага бўяшган».

Уламоларимиз бу масалада, хусусан, сочни қорага бўяш ҳақида турли ҳолатларни эътиборга олиб, бир қанча гапларни айтганлар.

Жумладан оила қурмоқчи бўлган одамнинг алдаш учун сочни қорага бўяши ҳаром деганлар.

Аёл кишига эри рухсат берса, жоиз деганлар ва ҳоказо. Валлоҳу аълам.

Мавзуга оид мақолалар
Фарзанд тарбияси ҳақида аёллар жуда кўп савол берадилар. Шу сабаб саҳифамда Ризоуддин бин Фахруддин давоми...

17:07 / 05.03.2017 6465
Бу масаланинг номи бир нечта. Баъзилар машиъатистак масаласи деса, бошқалар бандаларнинг амали масаласи ҳам давоми...

15:26 / 17.11.2016 4291
«Шарт» сўзи луғатда «аломат» маъносини билдиради. Шаръий истилоҳда эса бир нарсанинг ҳақиқати ва давоми...

15:45 / 08.11.2016 5381