Аёллар байъати
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Салмо бинти Қайс розияллоҳу анҳодан ривоят қилинади (У Расулуллоҳ соллаллоҳу алайҳи васалламнинг холаларидан бири эди. У Зот билан икки қиблага қараб намоз ўқиган, Бани Адий ибн Нажжорнинг аёлларидан эди): «Расулуллоҳ соллаллоҳу алайҳи васалламнинг ҳузурларига келиб у Зотга ансорлардан бўлган аёллар ичида байъат қилдим.

У Зот бизга Аллоҳга ҳеч нарсани ширк келтирмаслигимизни, ўғрилик қилмаслигимизни, зино қилмаслигимизни, болаларимизни ўлдирмаслигимизни, қўлларимиз ва оёқларимиз орасидан бўҳтон тўқиб келтирмаслигимизни ҳамда у Зотга яхшилик ишда исён қилмаслигимизни шарт қилганларида: «Эрларингизни алдамайсизлар», дедилар», деди.

У: «Биз у Зотга байъат қилдик, сўнгра кетдик. Шунда улардан бир аёлга: «Қайтиб Расулуллоҳ соллаллоҳу алайҳи васалламдан «Бизга эрларимизнинг молидан нима ҳаром қилинган?» деб сўра», дедим. У: «Сўраган эдим, бас, у Зот: «Унинг молини олиб, бошқасини юз-хотирини қиласан», дедилар», деди.

Умайма бинти Руқайқадан ривоят қилинади:«Расулуллоҳ соллаллоҳу алайҳи васалламнинг ҳузурларига аёллар ичида келдим. Шунда:«Эй Аллоҳнинг Расули, сизга Аллоҳга ҳеч нарсани ширк келтирмасликка, ўғрилик қилмасликка, зино қилмасликка, болаларимизни ўлдирмасликка, қўлларимиз ва оёқларимиз орасидан бўҳтон тўқиб келтирмасликка ва сизга яхшилик ишда исён қилмасликка байъат қилдик», дедим.

Шунда Расулуллоҳ соллаллоҳу алайҳи васаллам: «Қудратингиз етган ва тоқат қилган нарсангизда», дедилар. Биз: «Аллоҳ ва унинг Расули бизга ўзимиздан кўра раҳимлироқ, келинг, сизга байъат қилайлик, эй Аллоҳнинг Расули», дедик. Шунда у Зот:«Мен аёлларнинг қўлини олмайман, албатта, юзта аёлга айтган гапим, битта аёлга айтган гапим кабидир», дедилар.

Умайма бинти Руқайқа розияллоҳу анҳо Расулуллоҳ соллаллоҳу алайҳи васалламнинг ҳузурларига у Зотга Исломга байъат қилиб келди. Шунда у Зот: «Сендан байъатингни Аллоҳга ҳеч нарсани ширк келтирмаслигингга, ўғрилик қилмаслигингга, зино қилмаслигинга, болангни ўлдирмаслигингга, қўл ва оёқларинг орасидан бўҳтон тўқиб келтирмаслигингга, таъзияда ва айтиб йиғламаслигингга ва аввалги жоҳилият очиқ-сочиқлиги ила очиқ-сочиқ бўлмаслигингга байъатингни қабул қиламан», дедилар.

Изза бинти Хойил розияллоҳу анҳодан ривоят қилинади:«У Набий соллаллоҳу алайҳи васалламнинг ҳузурларига келди. Шунда у Зот ундан: «Зино қилмаслигингга, ўғрилик қилмаслигингга, болангни тирик кўмиб, уни ошкор этмаслик ёки яширмаслигингга», деб байъатини қабул қилдилар. У: «Ошкора тирик кўмишни билганман. Аммо Расулуллоҳ соллаллоҳу алайҳи васалламдан яширин тирик кўмишни сўрамадим. У Зот ҳам хабар бермадилар. Нафсимда уни, болани фасод қилиш (тарбиясини бузиш) деган нарса воқеъ бўлди. Аллоҳга қасамки, ҳеч қачон боламни фасод қилмайман».

«Тасаввуф ҳақида ҳақиқатлар» китобидан. Шайх Абдулқодир Ийсо

Мавзуга оид мақолалар
 «Иймон келтирганлар ва Аллоҳнинг зикри ила қалблари ором топганлар. Аё, Аллоҳнинг зикри ила қалблар ором топмасми» Раъд сураси, 28оят. Бугун сизларга ўз тажрибам давоми...

00:13 / 21.09.2018 1314
Савол Қайси нарсалар таҳоратни кетказади Жавоб Икки йўлдан чиққан барча нарса, хоҳ у сийдик бўлсин, хоҳ қурт бўлсин, хоҳ тош бўлсин  барчаси таҳоратни кетказади. давоми...

09:33 / 17.03.2017 2015
Хатми Қуръон деб  Қуръонни бошидан охиригача ўқиб туширишга айтилади. Хатми Қуръонни Қуръонни ўқишни яхши биладиган, уни устозига ўқиб топширган одамгина ўқийди. давоми...

04:56 / 07.03.2017 2289
  Инсон сотиб олган ҳар бир нарса ҳам тижорат моли бўлавермайди. Кўпгина нарсалар шахсий ва оилавий фойдаланиш учун ҳам бўлади. Фақат сотиб, фойда олиш ниятида давоми...

04:10 / 04.06.2017 958