Жаҳлни ютиш ва ғазабнинг давоси
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Жаҳл чиққанда ақл кетади. Жаҳл отини қамчилаганда, шайтонга иш топилади ва йўлдан уришга киришади.

Шунинг учун Пайғамбаримиз соллаллоҳу алайҳи васаллам ҳадисларидаги маслаҳатларга риоя қилган мақсадга мувофиқдир.

Сулаймон ибн Сурод розияллоҳу анҳудан ривоят қилинади: «Икки киши Набий соллаллоҳу алайҳи васалламнинг ҳузурларида сўкишиб қолди. Иккисидан бирининг кўзлари қизариб, томирлари бўртиб чиқа бошлади.

Шунда Расулуллоҳ соллаллоҳу алайҳи васаллам: «Албатта, мен агар айтса, ундаги бу нарса кетадиган калимани биламан: Аъузу биллаҳи минаш-шайтонир рожим», дедилар. Бас, у: «Менда жиннилик бор, деб ўйлайсанми?» деди».

Тўртовлари ривоят қилганлар.

Яна Набий соллаллоҳу алайҳи васаллам жаҳл чиққанда гапирмасликни маслаҳат берадилар: «Кимда ким ғазабланса, гапирмасин».

Аҳмад ривоят қилганлар.

Яна Абу Зарр Ғифорий розияллоҳу анҳудан ривоят қилинади: «Расулуллоҳ соллаллоҳу алайҳи васаллам: «Сизлардан кимда-ким ғазабланса, тик турган бўлса, ўтириб олсин, ғазаби кетса кетади, бўлмаса, ёнбошласин», дедилар».

Абу Довуд ва Аҳмад ривоят қилганлар.

Атия Саъдий розияллоҳу анҳудан ривоят қилинади: «Расулуллоҳ соллаллоҳу алайҳи васаллам: «Албатта, ғазаб шайтондандир. Шайтон эса оловдан яратилгандир. Олов сув билан ўчирилади. Кимнинг ғазаби келса, таҳорат қилиб олсин», дедилар».

Абу Довуд ривоят қилганлар.

Абу Ҳурайра розияллоҳу анҳудан ривоят қилинади: «Расулуллоҳ соллаллоҳу алайҳи васаллам: «Курашда йиқитган паҳлавон эмас, ҳақиқий паҳлавон – ғазаб пайтида ўзини тутиб олгандир», дедилар».

Учовлари ривоят қилганлар.

Аллоҳнинг мағфиратига ва кенглиги осмонлару ерча бўлган жаннатга сазовор бўладиган тақводорларнинг сифатларидан бири аччиғини ютадиганлардир.

Саҳл ибн Муоздан, у отаси розияллоҳу анҳумодан ривоят қилинади: «Расулуллоҳ соллаллоҳу алайҳи васаллам: «Ким ғазабини унга амал қилишга қодир бўла туриб, ичига ютса, Аллоҳ қиёмат куни халойиқнинг олдида уни чақириб, ҳури ийнлардан истаганини танлаш ихтиёрини беради», дедилар».

Абу Довуд ва Термизий ривоят қилганлар.

«Роббингиздан бўлган мағрифатга ва кенглиги осмонлару ерча бўлган, тақводорлар учун тайёрлаб қўйилган жаннатга шошилинг. Улар енгилликда ҳам, оғирликда ҳам нафақа қиладиганлар, ғазабини ютадиганлар ва одамларни афв қиладиганлардир. Аллоҳ яхшилик қилувчиларни ёқтирадир». (Оли Имрон, 133-134)

«Сизга берилган нарсалар дунё ҳаётининг матоҳи, холос. Аллоҳнинг хузуридаги яхши ва боқий нарсалар эса иймон келтирган ва Роббиларига таваккал қилганлар учундир. Катта гуноҳлар ва фоҳиша ишлардан четда бўладиган ва ғазабланган вақтда кечириб юборадиганлар учундир». (Шуаро, 36-37)

islam for kids саҳифасидан олинди.

Мавзуга оид мақолалар
Ғафлатдан уйғонинг Инсоннинг бошига келса мусибат, Бунга сабабчимиз ўзимиз, албат. Очиқ ушбу кўзлар ибрат кўрмаса, Ғийбатга чечан тил сано билмаса. Саждага давоми...

06:01 / 10.07.2017 4607
Бу саволга жавоб излашимиз учун биз яшайдиган сайёра бўлмиш Ер ҳақидаги баъзи маълумотларни эсга олишимиз керак. Ер шари думалоқ кўринишда экани эсингиздами давоми...

11:00 / 18.08.2019 1648
Ислом лашкари ўрта ер денгизи мамлакатларини фатҳ қилган кун буюк ва бахтли кун бўлди. Мусулмонларнинг шодликдан кўзлари ёшларга тўлди. Аллоҳ уларга кутмаган давоми...

04:41 / 22.11.2016 3726
Абу Ҳурайра розияллоҳу анҳудан ривоят қилинади.Расулуллоҳ соллаллоҳу алайҳи васаллам шундай дедилар .Ким бир кунда юз марта .Лаа илааҳа иллаллоҳу ваҳдаҳу лаа давоми...

20:33 / 10.09.2023 2073