Уч амал борки....
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Уч амал борки, уларнинг ажру савоби улканлигидан Қиёмат куни ҳатто тарозуга ҳам сиғмайди. 1. Одамларнинг хатоларини кечириб, афв этиш. Аллоҳ таоло Шўро сурасининг 40- оятида:

فَمَنْ عَفَا وَأَصْلَحَ فَأَجْرُهُ عَلَى اللَّهِ

«Ким (интиқом олишга қодир бўлгани ҳолда) афв этса ва (ўртани) ислоҳ қилса, бас, унинг ажри Аллоҳнинг зиммасидадир», деди ва бу амал шунчалик буюклигидан ҳатто унинг ажру мукофотини чегараламади. Бас, чексиз ажрларни қўлга киритмоқчи бўлсангиз, кечиримли бўлингиз! 2. Сабр. Аллоҳ таоло Зумар сурасининг 10- оятида:

إِنَّمَا يُوَفَّى الصَّابِرُونَ أَجْرَهُمْ بِغَيْرِ حِسَابٍ

«Ҳеч шак-шубҳа йўқки, сабр-тоқат қилгувчиларга ажр-мукофотлари ҳисоб-китобсиз тўла-тўкис қилиб берилур», деди ва ушбу амал учун ҳам ажру мукофотни чегараламади. 3. Рўза. Абу Ҳурайра розияллоҳу анҳудан ривоят қилинган муттафақун алайҳ бўлган ҳадисда Расулуллоҳ соллаллоҳу алайҳи васаллам: «Аллоҳ таоло: «Одам боласининг барча амали ўзи учундир, фақат рўза бундан мустасно. Чунки у мен учундир ва унинг ажрини Ўзим бераман», дейди», дедилар. Бу ерда ҳам ажр чегараланмади. Қиёмат куни нидо қилувчи: «Ажрлари Аллоҳнинг зиммасида бўлган зотлар қани?» – деб нидо қилганида сабр қилувчилар, рўза тутувчилар ва одамларни афв қилувчи бўлган зотлар нидо қилувчига пешвоз чиқурлар. Бас, Рўза тутингиз, Сабр қилингиз ва одамларни Афв қилингиз! Аллоҳим сизу бизни, ота-оналаримизни ва барча мусулмонларни Қиёмат куни ўша нидо билан чақириладиган зотлардан қилсин!

Интернет материаллари асосида тайёрланди

 
Мавзуга оид мақолалар
         Ассаламу  алайкум ва раҳматуллоҳи ва барокатуҳ     Қуръон ойи, тавба ва тақво ойи, раҳмат ва давоми...

22:19 / 08.02.2017 4444
БЎҲТОН   Маънавий жиноятлар ҳақида сўз кетар экан, уларнинг моддий, яъни жисмонан ҳис этиладиган жиноятдан давоми...

21:42 / 20.03.2017 4512
Ишқ бир ҳасратдир...Ҳожар онамиздек бир гўдак билан чўлларда Аллоҳга омонат яшамоқдир.Ишқ ишончдир...Иброҳим давоми...

06:28 / 19.11.2020 5811
Қиш ойлари ўзининг салқинлиги, кечалари узоқ давом этиши, кундузлари қисқалиги билан ибодатга кўнгил давоми...

12:46 / 27.11.2019 6042