Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Афёнкарахисар вилоятида фақат аёллар учун жамоат автобуслари қатнови жорий қилинади. «Умма информ» маълумотларига қараганда, бу ҳақда вилоят губернатори Ирфон Болқонўғли хабар берган.
Мансабдор шахснинг сўзларига қараганда, ўғрилик ҳолатлари кўпайганлиги ҳамда баъзи эркакларнинг бадфеъллиги туфайли мазкур жамоат транспорт тури фақат аёллар учун мўлжалланган. Афёнкарахисарда истиқомат қилувчи аёллардан йўл ҳақи олинмайди. Барча ҳаражатларни вилоят маъмурий ҳокимияти ўз зиммасига олади.
Шунингдек, 2013 йилнинг март ойидан барча маҳаллий мактабларда ўқувчилар учун махсус намозхоналар ташкил қилинганлиги маълум бўлди. Аввалроқ, бу вилоятда алкогол ичимликлари сотилиши бутунлай тақиқлаб қўйилган эди.
