Кир ювиш санъати
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ассалому алайкум, ораста опа-сингиллар. Бугунги кунда техника ривожланиб, бизнинг юмушларимиз анчагина енгиллашиб қолган. Кирни барчамиз автомат машинада, оддий машинада ёки қўлда ювамиз. Кир ювишда, аввало, сифатли кир ювиш воситаси ва чаювчи воситалардан фойдалансак, кирларимиз тоза ва хушбўй бўлади ҳамда  машинамиз бизларга узоқ хизмат қилади.

Аввало кир тўплаш одатини йиғиштириб, кунда тушган кирни кунда ювайлик. Масалан, буви-буваларимизнинг, ота-оналаримиз, ака-укаларимизнинг кийимларини ўзига қараб, тартиб билан тозалаб ювиб, яхшилаб чайсак ва ҳурматларини қилиб, аввал катталар, сўнг улардан кичиклар кийимларини қоқиб, чокларини текислаб дорга илсак, кўзни қувонтиради ва бизнинг дуо олишимизга сабаб бўлади.

 Кирларни тўплаб, сўнг ҳаммасини битта қилиб юваман, деб ўйламанг, чунки чарчаб, белдан ажрайсиз. Кир ювишдан аввал улар саралаб олинади, уринган (ёғ бўлмаган) дастурхон ва салфеткалар автомат машинага солинса, мағзавасини тоғорага олиниб, ошхонадаги ёғли сочиқ ва дастурхончаларни қўлда ювиб олиш мумкин. Тежамкорлик мақсадида, албатта.

Ўринбош ғилофларидан тушган сувга ички кийим, пижамаларни солиб, қўлда ювиш мумкин. Катталар кийимларини кичикларникидан алоҳида, рангига қараб ажратилса, ранги уриб дилни хира қилмайди. Чунки саранжонгинам, сариштагинам сўзлари бизни қувватлантиради.

Машинангиз автомат бўлмаса, юз сочиқларини, улардан сўнг пайпоқларни ҳам қўлда ювишни кичик ёрдамчиларга топширилиши мумкин. Юз сочиқлар тез-тез тозалангани учун уларни ишқалаш осон, чала бўлиб ҳам қолмайди. Оддий кир машинасида сочиқларни ювсангиз, қаранг, ундан қолган сувда  сочиқларнинг иплари чиққан бўлса, ўзига ип ёпиштирмайдиган кирни ювсангиз бўлади, йўқса қора кийим ва шимларга иплар ёпишиб, сизга иш кўпайтиради.

Болалар кийимларини алоҳида ахлати бўлса ташлаб, сўнг чайиб кир совун суртиб, 10-15 дақиқага ивитиб қўямиз. Аввал тоғорада бош кийим, сўнг майка, кўйлакчалар, кейин иштончалар ва пайпоқчалар ювишни ҳам ёрдамчиларимизга топширсак, уларни кузатган ҳолда, кир ювишни тушунтириб, ўргатиб борамиз. Доғли жойларга (мева доғлари, колготкалар, пайпоқлар таги) совун суртиб ивитилиб, сўнг ишқаб юборилса, топ -тоза бўлади.

Энди эса кир чайиш ҳақида. Улар қай тартибда ювилган бўлса, шу тартибда рангига қараб, терсини қилиб, ораларини ёйиб-ёйиб тозалаб чайилади. Бу жараён бир томондан ювилса, бир томондан чайишга ташланади. Оқиб турган совуқ сувда матонинг нозиклигига қараб, ишқаб-ишқаб уч марта суви тўкилиб, чайилади.

Сиқиш жараёнида илиқ сувнинг тагига кирларни тутиб очиб, чойшабларнинг бурчаклари-ю, чўнтакларнинг ичларидаги кирларни сувга тутиб чайиб, яхшилаб қаттиқ сиқилади. Шунда кучимиз етмаса, куч етганча сиқиб, юқорида айтилган тартиб билан барчаникини терсини қилиб қоқиб, текислаб илсак, тоза чайилган кирларимиздан тиниқ тоза сув томади.

Қуритилган кирларни  уларни йиғишдан аввал ҳам қоқиб тахлаб олсак, дазмол босиш осон бўлади. Ҳар бир вазифамиз ибодатдир. Агар уни гўзал тарзда бажарсак, савоби янада ортади. Энди ҳам чарчадим, дея оласизми, шунча савобни олиб «Алҳамдулиллаҳ» деб чой ичиб олинг. Зеро, муслималар серқирра биллурдек товланиб барчага ибрат бўла оладилар.

Нозимахон

Мавзуга оид мақолалар
Аллоҳдан бошқага сажда қилиш Қуръони Каримда фаришталар Одам алайҳиссаломга ва Юсуф алайҳиссаломга оталари Ёқуб алайҳиссалом ва акаларининг сажда қилганлари давоми...

21:54 / 27.02.2017 3778
Ассаламу алайкум ва раҳматуллоҳи ва барокатуҳу. Куни кеча бозордан қайтаётиб муслима онахоннинг ёнгинасидан салом бериб ўтдим. Димоғимга нохуш  ҳид келиб урилди давоми...

03:32 / 29.11.2016 2301
Бугунги дунё янгиданянги ташвишлар ва муаммоларни келтириб чиқармоқда. Аммо шундай муаммолар ҳам борки, инсоният пайдо бўлгандан буён аёллар бу муаммоларда ҳар давоми...

01:37 / 01.02.2017 2727
Кеча 13 декабрь куни Кувайтда  «Хайрия ишларда аёл кишининг ўрни» умумжаҳон конференцияси бошланди. Конференция тафсилотларини билиш учун саҳифаларимизни давоми...

03:04 / 27.01.2017 1587